ساياجايلارعا ەلدى مەكەن مارتەبەسى بەرىلە مە

«ساياجاي الاپتارىنىڭ اۋماعى ماۋسىمدىق تۇرۋعا ارنالعاندىعىنا جانە ەلدى مەكەننىڭ نورمالارىنا سايكەس كەلمەۋىنە بايلانىستى ساياجاي الاپتارىنا ەلدى مەكەن مارتەبەسىن بەرۋ مۇمكىن ەمەس»، - دەلىنگەن ۇكىمەت باسشىسىنىڭ جاۋابىندا.

ونىڭ دەرەگىنشە، قازىرگى ۋاقىتتا الماتى وبلىسىدا حالىق سانى 189,2 مىڭ ادامدى قۇرايتىن 674 ساياجاي ۋچاسكەسى بار.

بۇگىندە ساياجاي الاپتارىن قامتۋ ءۇشىن اكىمدىك 1500 ورىندىق مەكتەپ قۇرىلىسىن جۇرگىزىپ جاتىر جانە 1200 ورىندىق جەكە مەكتەپ سالۋ جوسپارلانعان.

ساياجاي الاپتارىنىڭ اۋماعىندا بالاباقشا، مەكتەپكە دەيىنگى بالالار مەكەمەسى كوزدەلگەن، سونداي- اق ساياجاي الاپتارىنان وقۋشىلار تاسىمالدانادى.

«2021 -جىلى 18 ساياجاي الابىنا اپاراتىن ۇزىندىعى 6,9 شاقىرىم اۆتوموبيل جولى جوندەلدى. سونىمەن قاتار كىرمە جولدارعا كەزەڭ- كەزەڭىمەن جوندەۋ جۇرگىزىلىپ، اۆتوبۋس مارشرۋتتارى ۇيىمداستىرىلۋدا. جەرگىلىكتى اتقارۋشى ورگاندارمەن ساياجايلاردى ەلەكترمەن قامتاماسىز ەتۋ ءۇشىن «الاتاۋ جارىق كومپانياسى» ا ق ساياجاي الاپتارىنىڭ ترانسفورماتورلىق قوسالقى ستانسيالارى مەن ەلەكتر بەرۋ جەلىلەرىن وتەۋسىز نەگىزدە بەرۋ مۇمكىندىگى تۋرالى ءتۇسىندىرۋ جۇمىستارىن جۇرگىزۋدە»، - دەدى ءاليحان سمايىلوۆ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى