ەكى جىلدان كەيىن ەلىمىزدە جول قۇرىلىس جۇمىستارىن جۇرگىزۋ وڭايىراق بولادى
ولاردىڭ باسىم كوپشىلىگى قايتالانىپ، ءبىر-بىرىنە قاراما-قايشى كەلىپ جاتادى، دەپ حابارلايدى قازاقپارات.
يندۋستريا جانە ينفراقۇرىلىمدىق دامۋ ءمينيسترلى ول قۇجاتتاردى بىلاي تارقاتتى: 114 قۇرىلىس نورماتيۆى، 303 ۇلتتىق ستاندارت، 527 مەملەكەتارالىق ستاندارت، 17 ۆەدومستۆولىق قۇرىلىس نورماسى، 200 ۆەدومستۆولىق نورماتيۆتىك-تەحنيكالىق قۇجات جانە باعا بەلگىلەۋ مەن سمەتالار بويىنشا 56 جيناق.
«ءوز كەزەگىندە قۇجاتتاردىڭ ارتىق كولەمى مەن ولاردىڭ رەتتەلمەۋى ءوزارا باسىمدىقتى انىقتاۋدى قيىنداتادى، ال قاراما- قايشىلىقتار، قايتالانۋلار جانە ەسكىرگەن نورماتيۆتەر جاعدايدى ودان سايىن ۋشىقتىرىپ، جولداردى جوبالاۋ مەن قۇرىلىسى بارىسىندا كوپتەگەن قاتەلىكتەرگە الىپ كەلەدى. وسى رەتتە مەملەكەت باسشىسىنىڭ تاپسىرماسىنا سايكەس يندۋستريا جانە ينفراقۇرىلىمدىق دامۋ مينيسترلىگى بيىل كۇزدە سالالىق نورماتيۆتىك بازانى جۇيەلى رەفورمالاۋعا كوشتى. 2023 -جىلى «قازجول ع ز ي» ا ق نورماتيۆتىك- تەحنيكالىق قۇجاتتارداعى سايكەسسىزدىكتەردى، قايتالانۋلاردى انىقتاۋ، سونداي-اق تالاپ ەتىلمەگەن جانە وزەكتىلىگىن جوعالتقان نورماتيۆتىك قۇجاتتاردى جويۋ باعىتىندا جۇمىس جۇرگىزەتىن بولادى»، - دەپ جازدى ۆەدومستۆودان.
مينيسترلىكتىڭ مالىمەتىنشە، جۇمىستىڭ ناتيجەسى بويىنشا 100 دەن اسپايتىن نورماتيۆتىك قۇجاتتان تۇراتىن مۇلدەم جاڭا قۇرىلىم جاسالۋى ءتيىس. اتالمىش ىرىكتەۋ سالالىق ەرەجەلەرمەن جۇمىس ىستەۋ ۋاقىتىن قىسقارتادى، سونداي-اق جولداردى جوبالاۋ مەن ولاردىڭ قۇرىلىس ساپاسىن جاقسارتادى دەپ كۇتىلۋدە. ماسەلەن، قازاقستاندا بيتۋم تۇتقىر زاتتى سىناۋ ادىستەرى بىردەن 12 ستاندارتپەن رەتتەلەدى. وڭتايلاندىرۋ اياسىندا ولار تەك ءبىر قۇجاتقا ەنگىزىلەتىن بولادى.
ەندىگى كەزەكتە عىلىمي-زەرتتەۋ ينستيتۋتى نورماتيۆتىك- تەحنيكالىق قۇجاتتامانى جەتىلدىرۋ بويىنشا جۇمىسقا كىرىستى. بۇگىندە «جوبالاۋ»، «قۇرىلىس»، «پايدالانۋ» جانە «جول سالاسىنىڭ ەكونوميكاسى» باعىتتارى بويىنشا 4 ساراپتامالىق توپ قۇرىلدى. اتالعان توپتاردا عالىمدار نورماتيۆتەردى وزەكتەندىرۋ مەن قىسقارتۋعا باسا نازار اۋداراتىن بولادى. ءاربىر تارماق بويىنشا مۇددەلى تاراپتارمەن تالقىلاۋ ءۇشىن ۇسىنىمدار جاسالادى. ءتيىستى شاقىرۋلار بارلىق جوبالىق جانە مەردىگەرلىك ۇيىمعا، سونداي-اق «اتامەكەن» ۇ ك پ مەن مەملەكەتتىك ورگاندارعا جولداندى.
«شەشىم جەكە-دارا قابىلدانبايدى. بۇل ماسەلەنى تالقىلاۋ بارىسىندا ەشكىمنىڭ پىكىرى نازاردان تىس قالىپ قويماۋىن كوزدەپ وتىرمىز. ناتيجەسىندە قازاقستاندا ءبىرىڭعاي نورماتيۆتىك بازا پايدا بولۋى ءتيىس، ول ۆەب- سايتتاردىڭ قۇرىلىمىنا ۇقساس بولادى. بازا اقپاراتتىق جۇيە رەتىندە قالىپتاستىرىلادى. سۇراققا جاۋاپ ىزدەۋ ءۇشىن مامانعا ەندى بارلىق سالالىق ستاندارتقا جۇگىنۋدىڭ قاجەتى جوق. ول ءۇشىن بازاداعى قاجەتتى ءبولىمدى تاڭداۋ جەتكىلىكتى. سونىمەن قاتار قاعاز نۇسقاسىن جاساۋ دا جوسپاردا بار»، - دەدى «قازجول ع ز ي» ا ق ۆيتسە-پرەزيدەنتى ەرىك امىربايەۆ.
ونىڭ ايتۋىنشا، جول سالاسى دامىعان مەملەكەتتەردىڭ، ونىڭ ىشىندە قىتاي، تۇركيا، گەرمانيانىڭ تاجىريبەسى نەگىزگە الىنادى. ايتا كەتەرلىگى، بۇل ەلدەردە نورماتيۆتىك قۇجاتتاردىڭ نەگىزى بولاتىن نۇسقاۋلىقتار قولدانىلادى.
قازىرگى ۋاقىتتا جۇمىس توپتارى ءبىرىنشى كەزەكتە تالداۋعا جانە قايتا وڭدەۋگە قاجەت باسىم قۇجاتتاردىڭ تىزبەسىن بەكىتكەن، ولاردىڭ سانى 10 عا جۋىق. بۇل قۇجاتتار جولداردىڭ قۇرىلىسى مەن ولاردى كۇتىپ- ۇستاۋ جۇمىستارىنا، قارجىلاندىرۋ نورماتيۆتەرىنە قاتىستى. سونىمەن بىرگە بارلىق نورماتيۆتىك بازادان «ۇسىنىس» تەرمينىن الىپ تاستاۋ جوسپارلانىپ وتىر.
«جول سالاسىندا ونى قولدانباعان دۇرىس. جولشىلاردىڭ جۇمىس ساپاسىن جاقسارتۋ جانە جەڭىلدەتۋ ءۇشىن ۇسىنىستاردىڭ ورنىنا ناقتى نۇسقاۋلىقتار بولۋى كەرەك»، دەپ سانايدى ينستيتۋت ماماندارى.
