تاعى ءبىر الەمدىك رومان «ءبىر كەزدەرى امەريكادا» قازاق تىلىنە اۋدارىلدى

اۋدارماشى - جۋرناليستيكا ارداگەرى رىمبالا سمايلوۆا، دەپ حابارلايدى قازاقپارات ءتىلشىسى.

«گارري گرەي ءوزىنىڭ بيوگرافيالىق رومانىندا ⅩⅩ عاسىردىڭ باسىنداعى امەريكاداعى ءومىردى شىنايى كورسەتكەن: كەدەيلىك، جالپىعا بىردەي زاڭسىزدىق، قىلمىستىق توپتار. اۋدارما سونشالىقتى كۇردەلى ەمەس، سيۋجەت جەلىسى قىزىق، ديالوگتار كوپ بولدى. مەن ونى ۇلكەن قىزىعۋشىلىقپەن اۋداردىم»، - دەيدى رىمبالا سمايلوۆا.

«ءبىر كەزدەرى امەريكادا» كىتابىنىڭ تۇساۋكەسەرى «قاسىم ۇيىندە» ءوتتى.

العاشقى دانالارى ءىس-شارا قوناقتارىنا تاراتىلىپ، بەكتۇروۆ جانە گوگول اتىنداعى كىتاپحانالارعا بەرىلدى.

ەستەرىڭىزگە سالا كەتەيىك، قاراعاندى وبلىسىنىڭ تىلدەردى وقىتۋ ورتالىعى بيىل الەمدىك ادەبيەتتى قازاق تىلىنە اۋدارۋ ارنايى جوباسىن باستادى.

قازىردىڭ وزىندە ەكى كىتاپ اۋدارىلدى - ماريو پيۋزونىڭ «وكىل اكە» جانە گارري گرەيدىڭ «ءبىر كەزدەرى امەريكادا» كىتاپتارى.

«بيىل اۋدارما ءۇشىن ءبىز تەك ەكى كىتاپ تاڭداپ الدىق. كەلەسى جىلدان باستاپ كوبىرەك اۋدارۋدى جوسپارلاپ وتىرمىز. ءبىزدىڭ ورتالىق ەرەسەكتەردى وقىتۋمەن اينالىسادى، سوندىقتان بىزدە ەرەسەكتەرگە ارنالعان كىتاپتار بار. بولاشاقتا جوبامىز ءساتتى بولسا، بالالار باسىلىمدارىن دا اۋدارا باستايمىز»، - دەيدى قاراعاندى وبلىستىق تىلدەردى وقىتۋ ورتالىعىنىڭ باسشىسى الماگۇل يگەنوۆا.

اۆتور

اگاتا مۇحامەدجانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى