قازاقستاندىق ەۋروپادا ۇزدىك جاس تەننيسشى اتاندى
قازاقستان تەننيس فەدەراتسياسىنان ءمالىم ەتكەنىندەي، 14 جاسار زاڭعار جىلدى ەۋروپاداعى ۇزدىك 10 تەننيسشىنىڭ قاتارىندا اياقتادى.
بيىل ز. نۇرلان ۇلى جەكەلەي جانە جۇپتىق سىندا ەكى رەتتەن جارىس جەڭىمپازى اتاندى. وعان قوسا فرانسياداعى بەدەلدى تۋرنيردىڭ فينالىنا دەيىن جەتتى.
«اتالعان ماراپاتتى العانىما وتە قۋانىشتىمىن. جىل بويى جاقسى ونەر كورسەتۋگە تىرىسىپ، ءار دوداعا بار كۇشىمدى سالدىم. ءوز باپكەرلەرىم مەن ۇلكەن قولداۋ جاساعان قازاقستان تەننيس فەدەراتسياسىنا العىسىمدى ايتقىم كەلەدى. الداعى جىلى ماعان جاسوسپىرىمدەر اراسىنداعى ITF تۋرنيرلەرىندە ويناۋعا تۋرا كەلەدى. وندا دا نامىستى قولدان بەرمەيمىن»، - دەدى زاڭعار نۇرلان ۇلى.
وتكەن جىلى وسى اتالىم بويىنشا تاعى ءبىر قازاقستاندىق زارا داركەن ۇزدىك شىققان بولاتىن.
ەسكە سالا كەتەيىك، بۇدان بۇرىن ەلەنا رىباكينانىڭ «التىن ادام» سىيلىعىنىڭ لاۋرەاتى اتانعانىن جازعان بولاتىنبىز.
