مەملەكەت باسشىسى تاشكەنتتە ءوتىپ جاتقان ابايعا ارنالعان كورمەنى ارالادى
قاسىم-جومارت توقايەۆ وزبەكستانعا جاساعان مەملەكەتتىك ساپارىنىڭ اياسىندا تاشكەنت قالاسىندا ءوتىپ جاتقان «اباي. باۋىرلاس حالىقتار مۇراسى» اتتى ۇلى اقىننىڭ ءومىرى مەن شىعارماشىلىعىنا ارنالعان كورمەگە باردى. بۇل كورمە - ەكى ەل اراسىنداعى دوستىق پەن باۋىرلاستىق بايلانىستاردى ودان ءارى نىعايتۋعا باعىتتالعان ماڭىزدى قادام.
«اباي. باۋىرلاس حالىقتاردىڭ مۇراسى» اتتى كورمەدە ۇلى اقىننىڭ شىعارماشىلىعىنداعى الىشەر ناۋايدىڭ ءرولى، اباي ءومىرىنىڭ نەگىزگى كەزەڭدەرى، ءا. قاستەيەۆ، و. تاڭسىقبايەۆ، ە. سيدوركين، ن. وتەپبايەۆ جانە تاعى باسقا سۋرەتشىلەردىڭ تۋىندىلارىنداعى اباي تۋرالى سيۋجەتتەر قامتىلعان.
وعان قوسا، ابايدىڭ «جيدەباي-ءبورىلى» مەملەكەتتىك تاريحي- مادەني جانە ادەبي-مەموريالدىق قورىق-مۋزەيىنىڭ 120 دان استام ەكسپوناتى قويىلعان.
