باس پروكۋراتۋرا چەلاحتىڭ ۇندەۋىنە قاتىستى پىكىر ءبىلدىردى

بۇل تۋرالى باس پروكۋروردىڭ ءبىرىنشى ورىنباسارى تيمۋر تاشىمبايەۆ ايتتى، - دەپ حابارلايدى Massaget.kz ءتىلشىسى.

«ءوتىنىش باس پروكۋراتۋراعا ءتۇستى. ءبىز قوسىمشا زەرتتەيمىز، ويتكەنى بۇل ون جىل بۇرىنعى ماسەلە. قاجەت بولعان جاعدايدا جاۋاپ الىنادى (چەلاحتان - ەسك.)»، - دەدى تاشىمبايەۆ باس پروكۋراتۋرادا وتكەن بريفينگتە.

بۇعان دەيىن ءبىرقاتار باق ۆلاديسلاۆ چەلاحتىڭ «ارقانكەرگەن» بەكەتىندە 15 ادامنىڭ ولىمىنە قاتىستى جاعدايدىڭ جاي-جاپسارىن ايتۋعا دايىن ەكەنىن حابارلاعان بولاتىن.

2012-جىلى 31- مامىردا قازاقستان رەسپۋبليكاسىنىڭ الماتى وبلىسىنىڭ الاكول اۋدانىنداعى «ارقانكەرگەن» شەكارا بەكەتىندە بولعان وقيعا. «شىعىس» ايماقتىق شەكارا قىزمەتى ءۇشارال وتريادىنىڭ «قازاقستان-قىتاي شەكاراسىندا» «سارى بوكتەر» زاستاۆاسىندا 14 شەكاراشىنىڭ جانە ءبىر قورىقشىنىڭ ءمايىتى تابىلدى، زاستاۆاداعى «ارقانكەرگەن» پوستىنىڭ عيماراتى ورتەپ جىبەرىلگەن. امان قالعان شەكاراشى سارباز ۆلاديسلاۆ چەلاح شەكارا بەكەتىنەن 20 شاقىرىم جەردە ورنالاسقان قىستاۋدان تابىلدى. چەلاح تەرگەۋ جۇمىسى بارىسىندا باستى كۇدىكتى رەتىندە قاراستىرىلىپ، قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى