جاڭا جىل قارساڭىندا قوسىمشا ۆاگوندار جولعا شىعادى
«قازىر پويىز كەستەسى بويىنشا تالداۋ ءجۇرىپ جاتىر. جاڭا جىلدا قوسىمشا پويىزداردى ىسكە قوسۋ جوسپاردا جوق. دەگەنمەن قوسىمشا ۆاگوندار بولادى. جولاۋشىلار اعىنىنا قاراي پويىزدارعا قوسىمشا ۆاگوندار تىركەلەدى. قوسىمشا ۆاگوندار بارلىق باعىت بويىنشا قوسىلادى»، - دەدى «جولاۋشىلار تاسىمالى» ا ق باس ديرەكتورى جانىبەك تايجانوۆ ب ا ق وكىلدەرىنە ارنالعان باسپا ءسوز تۋرىندا.
باس ديرەكتوردىڭ مالىمدەۋىنشە، قوسىمشا ۆاگوندار 25- جەلتوقساننان باستاپ ساپارعا شىعادى.
بۇعان دەيىن «جولاۋشىلار تاسىمالى» ا ق باسشىسى ەلىمىزدە پويىزداردىڭ ءجيى كەشىگۋ سەبەپتەرىن اتاعان ەدى.
ونىڭ ايتۋىنشا، پويىزداردىڭ ۋاقىتىلى كەلمەۋىنىڭ ءبىر سەبەبى - قولايسىز اۋا رايى.
ايتا كەتەيىك، تاڭەرتەڭ «استانا - بۋراباي» تۋريستىك ەلەكتر پويىزى جولعا شىقتى.
جاڭا جىل مەرەكەسى قارساڭىندا ەلوردادان بۋرابايعا دەيىنگى ارنايى تۋريستىك ەلەكتر پويىزى كۇن سايىن جۇرەدى.
اۆتور
داۋلەت ىزتىلەۋ
