الماتىدا «ازيا داۋىسى» فەستيۆالى قاشان وتەتىنى بەلگىلى بولدى

ۇيىمداستىرۋ كوميتەتى ءوز مانسابىن فەستيۆالدىڭ باستى مۋزىكا ساحناسىنان باستاعان تانىمال پروديۋسەرلەردەن تۇرادى. باس پروديۋسەرى ارمانجان بايتاسوۆ، قۇرىلتايشى جانە پرەزيدەنتى - يرينا كوۆىرياكو، قۇرىلتايشى جانە ۆيتسە- پرەزيدەنتى زاڭگەر - تەمىرلان تولەگەنوۆ.

«بۇگىندە ازيا باستى نازاردا جانە الەمدىك مادەنيەتتىڭ دامۋىنا اسەر ەتەدى. ارينە، ءبىز «ازيا داۋىسى» ۇزدىك ورىنداۋشىلار الاڭىنا اينالۋىنا جانە ونىڭ بەدەلدى بولۋىنا مۇددەلىمىز. فەستيۆال شىلدە ايىنىڭ سوڭىنا جوسپارلانعان جانە قازىر ءبىزدىڭ مىندەتىمىز- الەمدىك مۋزىكا قاۋىمداستىعىنىڭ جوسپارلارى تۋرالى حاباردار ەتۋ جانە فەستيۆالگە وتىنىمدەردى قابىلداۋدى باستاۋ. ازىرگە ارنايى قوناقتار ءتىزىمى انىقتالعان جوق، ءبىراق كورەرمەندەر جۇلدىزداردى كۇتۋدە، سوندىقتان ءبىز تۋريستەردى تارتاتىن، الەمدىك دەڭگەيدەگى ارتىستەردى شاقىرۋدى ماقسات قويدىق. ءبىز الماتى قالاسى اكىمدىگىنىڭ جوبامىزعا قىزىعۋشىلىق تانىتىپ، قولداۋ كورسەتىپ جاتقانىنا قۋانىشتىمىز، ويتكەنى فەستيۆالدىڭ ءوزى- بۇكىل يندۋستريانى دامىتۋ ءۇشىن ماڭىزدى وقيعالاردىڭ تۇتاس سەرياسى، اتاپ ايتقاندا، ءبىز مۋزىكالىق پروديۋسەرلەردىڭ حالىقارالىق فورۋمىن وتكىزۋدى جوسپارلاپ وتىرمىز»، - دەدى فەستيۆالدىڭ باس پروديۋسەرى ارمانجان بايتاسوۆ.

1990 -جىلى «ازيا داۋىسى» حالىقارالىق مۋزىكالىق فەستيۆالىندە العاش رەت 15 مەملەكەتتەن كەلگەن قاتىسۋشى «مەدەۋ» مۇز ايدىنىندا ونەر كورسەتكەن ەدى.

ال 1993 -جىلى «ازيا داۋىسى» فەستيۆال ۇيىمداستىرۋشىلارى ۇكىمەتارالىق فەدەراتسياسىنىڭ (ف ۇ ءۇ ف) مۇشەسى بولدى. 1994 -جىلى فەستيۆال كانن الەمدىك شوۋ- بيزنەس فەستيۆالىنىڭ (فرانسيا) مامانداندىرىلعان سىيلىعىنا يە بولدى، 1998 -جىلى حالىقارالىق فەدەراتسيا ۇيىمداستىرۋشىلارى «ازيا داۋىسى» فەستيۆالى الەمنىڭ ۇزدىك فەستيۆالى اتاعىنا يە بولدى.

بۇعان دەيىن الماتى اكىمى ەربولات دوسايەۆ «ازيا داۋىسى» فەستيۆالى قايتا جانداناتىنىن ايتقان بولاتىن.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى