بيىل مۇعالىمدەردىڭ جالاقىسىن كوبەيتۋگە بيۋجەتتەن قانشا تريلليون تەڭگە ءبولىندى

بۇل تۋرالى قازاقپارات وقۋ-اعارتۋ مينيسترلىگىنە سىلتەمە جاساپ حابارلايدى.

ونىڭ 121,5 ميلليارد تەڭگەسى مەكتەپكە دەيىنگى ءبىلىم بەرۋ پەداگوگتەرىنە، 1,04 تريلليون تەڭگەسى ورتا ءبىلىم بەرۋ ۇيىمدارىنا، 39,8 ميلليارد تەڭگەسى تەحنيكالىق جانە كاسىپتىك ءبىلىم بەرۋ ۇيىمدارىنا باعىتتالدى.

2020 جانە 2022-جىلداردى سالىستىراتىن بولساق، پەداگوگتەردىڭ ەڭبەكاقىسىن كوتەرۋگە جانە ولارعا ۇستەماقى تولەۋگە رەسپۋبليكالىق بيۋدجەتتەن بولىنگەن قارجى كولەمى 3 ەسەگە وسكەن.

«مەملەكەت باسشىسى قاسىم-جومارت توقايەۆتىڭ تاپسىرماسى بويىنشا 2020-جىلدىڭ قاڭتارىنان باستاپ مۇعالىمدەردىڭ جالاقىسى جىل سايىن 25 پايىزعا كوتەرىلىپ كەلەدى. 2021-2022-جىلداردىڭ قاڭتارىندا ولاردىڭ جالاقىسى دا تاعى 25 پايىزعا ءوستى. سايكەسىنشە، جىلدان جىلعا ءبىلىم بەرۋ ۇيىمدارى قىزمەتكەرلەرىنىڭ، ياعني تاربيەشىلەردىڭ، مەكتەپتەر مەن كوللەدجدەر پەداگوگتەرىنىڭ، سونداي-اق قوسىمشا ءبىلىم بەرۋ جۇيەسى ماماندارىنىڭ ەڭبەكاقىسىن ارتتىرۋعا بولىنەتىن قاراجات كولەمى ۇلعايىپ كەلەدى. سونداي-اق ولار بىلىكتىلىك ساناتى (لاۋازىمدىق جالاقىنىڭ 30 پايىزدان 50 پايىزعا دەيىنگى مولشەرىن)، ماگيستر دارەجەسى، پاندەردى اعىلشىن تىلىندە وقىتقانى، داپتەر تەكسەرگەنى، سىنىپ جەتەكشىلىگى مەن تالىمگەرلىك قىزمەتى ءۇشىن قوسىمشا اقى الادى»، - دەپ ايتتى ق ر وقۋ-اعارتۋ مينيسترلىگىنىڭ بيۋجەتتىك جوسپارلاۋ دەپارتامەنتىنىڭ ديرەكتورى عالىمجان مولداش.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى