ماروككولىقتار فۋتبولشىلارىن باتىرلارداي قارسى الىپ قۇرمەت كورسەتتى
«اتلاس ارىستاندارىن» ماروككولىق جانكۇيەرلەرى زور قوشەمەتپەن قارسى الدى، دەپ حابارلايدى قازاقپارات ءتىلشىسى.
سەيسەنبىدە فۋتبولشىلار وتىرعان ۇشاق ەل استاناسى رابات قالاسىنا قونعاننان كەيىن ويىنشىلار ماروككو استاناسىنىڭ نەگىزگى كوشەلەرىمەن اۆتوبۋسپەن ءجۇرىپ ءوتتى.
«اتلاس ارىستاندارى» دەگەن اتپەن تانىمال ماروككو فۋتبولشىلارى وسى چەمپيوناتتىڭ ەڭ ءساتتى ويىن كورسەتكەن ويىنشىلارىنىڭ ءبىرى رەتىندە تاريحقا ەندى.
وسى جولدا «اتلاس ارىستاندارى» الەم چەمپيوناتىنىڭ جارتىلاي فينالىنا شىققان العاشقى افريكا جانە اراب ەلى اتاندى. فۋتبولشىلاردىڭ چەمپيوناتتان ورالۋى جانكۇيەرلەر ءۇشىن ەرەكشە مەرەكە بولدى.
سونىمەن قاتار ماروككو كورولى VI مۇحاممەد كوماندانى سارايىندا قابىلداعان.
ماروككولىق ب ا ق- تىڭ حابارلاۋىنشا، كورول جانە مۇراگەر حانزادا مۋلاي حاسان ۇلتتىق قۇراما ويىنشىلارىنا، سونداي- اق كوماندانىڭ باس باپكەرى ۆاليد رەگراگيگە ماراپاتتار تاپسىرعان.
