دەپۋتات كۇنباعىس مايىن وڭدەيتىن زاۋىتتاردىڭ كەمشىلىگىن اتادى
«2023 -جىلدىڭ قاڭتارىنان باستاپ كۇشىنە ەنەتىن كۇنباعىس تۇقىمىن ەكسپورتتاۋعا باج سالىعىن ەنگىزۋ ماسەلەسىنە ءسىزدىڭ نازارىڭىزدى اۋدارامىز. بۇل شەشىمدى قابىلداۋ كۇنباعىس تۇقىمىنىڭ جاھاندىق تاپشىلىعىنا، سونىڭ ىشىندە قازىرگى گەوساياسي جاعدايعا بايلانىستى. سونىمەن قاتار پرەمەر- ءمينيستردىڭ ورىنباسارى- ساۋدا جانە ينتەگراتسيا ءمينيسترىنىڭ ۇستانىمىنا سۇيەنسەك، اتالعان شەكتەۋ وتاندىق ماي وڭدەۋ زاۋىتتارىن جۇكتەپ، جوعارى ساپالى تاۋارلاردى ەكسپورتتاۋ قاجەتىنە قاتىستى. الايدا، بۇل شەشىم بويىنشا فەرمەرلەر نارازىلىق ءبىلدىرىپ وتىر. ماسەلەن، قازاقستاندا كۇنباعىس مايىنىڭ ءوندىرىسى جىل سايىن ارتىپ كەلەدى. ءبىراق 2017 -جىلدان باستاپ تازارتىلماعان ماي ءوندىرۋ كولەمى ەكى ەسەگە جۋىق ءوستى. ماي وڭدەۋ زاۋىتتارى ءونىمدى تەرەڭ وڭدەۋ تەحنولوگيالارىنا ينۆەستيتسيا سالمايدى، ونىڭ ورنىنا ءىس جۇزىندە ايتارلىقتاي قوسىمشا قۇنى جوق باستاپقى وڭدەۋدى عانا پايدالانادى»، - دەدى ب. تورعايەۆ ءماجىلىستىڭ جالپى وتىرىسىندا.
ونىڭ ايتۋىنشا، قازىرگى كەزدە كاسىپورىندار تەك باستاپقى وڭدەۋدى يگەرگەن. ءونىمنىڭ باسىم بولىگىن قىتاي مەن جاقىن ورنالاسقان ەلدەردىڭ نارىعىنا جونەلتۋ ءۇردىسى بايقالىپ وتىر.
«سوندىقتان قازاقستانداعى سورەلەر %80 عا دەيىن يمپورتتىق ونىمدەرمەن، سونىڭ ىشىندە كۇنباعىس مايىمەن تولتىرىلعان. 2021-2022 -جىلدارى كۇنباعىسقا ەنگىزىلگەن ەكسپورتتىق شەكتەۋلەر كۇتكەن ناتيجە بەرمەدى. قازاقستاندا ازىق- تۇلىك باعاسى ەكى ەسە وسكەن. سونىمەن بىرگە كۇنباعىس تۇقىمىن ەكسپورتتاۋعا باج سالىعىن ەنگىزۋ تۋرالى شەشىم قابىلدانعان كەزدە، فەرمەرلەردىڭ جانە ولاردىڭ بىرلەستىكتەرىنىڭ پىكىرى مەن دالەلدەرى تىڭدالمادى. شەكتەۋلەر فەرمەرلەرگە تىكەلەي ەكونوميكالىق شىعىن كەلتىرىپ وتىر. بۇل كەيىننەن ەگىن شارۋاشىلىعى سەكتورىنىڭ جانە جالپى اۋىلدىڭ دامۋىنا اسەر ەتەدى»، - دەدى دەپۋتات.
ونىڭ پايىمىنشا، اتالعان باج سالىعىنا قاتىستى سالماقتى شەشىم قابىلداۋ ءۇشىن جان- جاقتى، تياناقتى جۇمىس جۇرگىزۋ كەرەك.
«بۇل ماسەلەنى جان- جاقتى قاراستىرۋ قاجەت. ەكىنشىدەن، ورتالىق جانە جەرگىلىكتى مەملەكەتتىك ورگانداردىڭ، مامانداندىرىلعان ۇيىمداردىڭ قاتىسۋىمەن جان- جاقتى تالقىلاۋ جۇرگىزۋ كەرەك. جاڭا ۇسىنىستار ازىرلەۋ ءۇشىن فەرمەرلەر مەن ەگىنشىلەرمەن جەكە كەزدەسۋ ۇيىمداستىرۋىڭىزدى سۇرايمىز. ۇشىنشىدەن، وتاندىق ماي وڭدەۋ كاسىپورىندارىن جۇكتەۋ ءۇشىن ازىق- تۇلىك كورپوراتسياسىنىڭ، ا ك ك- لەردىڭ قولدانىستاعى قۇرالدارىن پايدالانا وتىرىپ، ءىس- شارالاردى جۇزەگە اسىرۋدىڭ بالامالى تەتىگىن ازىرلەۋ قاجەت»، - دەدى دەپۋتات.
بۇدان بۇرىن حابارلانعانداي، قازاقستان كۇنباعىسقا ەكسپورتتىق كەدەندىك باج سالىعىن ەنگىزۋ تۋرالى شەشىم قابىلدادى.
