رەسپۋبليكالىق «ۇلى دالا» شىعارماشىلىق بايقاۋىنىڭ ۇزدىكتەرى ماراپاتتالدى

ءىس-شارا «AMANAT» پارتياسىنىڭ باستاماسىمەن ۇيىمداستىرىلدى. «پوەزيا» نوميناتسياسى بويىنشا ءبىرىنشى ورىندى اقىن جانىبەك ءاليمان يەلەنسە، «پروزادا» ءاليحان جاقسىلىق ماراپاتتالدى. ال «بالالارعا ارنالعان شىعارما» اتالىمىندا الپىسباي ءابدىل ۇلى ۇزدىك دەپ تانىلدى. «دراماتۋرگيادا» ىقىلاس شالعىنباي جۇلدەلى ورىندى جەڭىپ الدى.

سونىمەن قاتار بيىل تۇڭعىش رەت تاعايىندالعان «الاش اماناتى» ارنايى سىيلىعىن ەلدوس توقتارباي، «احمەت بايتۇرسىن ۇلىنىڭ 150 جىلدىعىنا ارنالعان» سىيلىقتى ۇلاربەك نۇرعالىم ۇلى يەلەندى. ال «مۇحتار اۋەزوۆتىڭ 125 -جىلدىعىنا ارنالعان» ارنايى سىيلىقتى جازۋشى اباي ايماعامبەتوۆ الدى. 26-تامىز بەن 10-قاراشا ارالىعىندا وتكەن بايقاۋعا باس-اياعى 152 شىعارما كەلىپ ءتۇستى.

«ۇلى دالا بايگەسى وسىمەن 3-رەت ءوتىپ جاتىر. دراماتۋرگيا دەگەن اۋىر جانرلار بىردەن جازىلا قويمايدى. الدىن الا جىل بۇرىن دايىندالادى. ءداستۇرلى ءوتۋدىڭ ايىرماشىلىعى وسى. ادەبيەتكە جاسالعان قامقورلىق دەگەن ول رۋحانياتقا جاسالعان دۇنيە ەمەس. قوعامعا، ەكونوميكاعا، جالپى قوعامعا جاسالعان دۇنيە. سوندىقتان جالعاسىن تابا بەرسىن، جەڭىمپازداردى قۇتتىقتايمىن»، دەيدى اقىن، جازۋشى ۇلاربەك نۇرعالىم ۇلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى