يلون ماسك تۆيتتەر باسشىسى قىزمەتىنەن كەتۋگە ۋادە بەردى

«وسى جۇمىسقا كەلىسەتىن اقىماق ادامدى تاپقان باسشىلىقتان كەتەمىن. سودان كەيىن تەك باعدارلامالىق جاساقتاما مەن سەرۆەرلەر كوماندالارىنا جاۋاپتى بولامىن»، - دەپ جازدى ماسك ءوزى ۇيىمداستىرعان ساۋالناماعا تۇسىنىكتەمەدە.

ماسك جەكسەنبىدە وسى جەلىدە باستاعان «Twitter باسشىلىعىنان كەتكەنىم ءجون بە؟» دەگەن ساۋالنامادا قاتىسۋشىلاردىڭ كوپشىلىگى - %57,5 ماسكتىڭ Twitter ساياساتىن باسقارۋدان باس تارتقانىن ءجون دەپ تاپتى.

ساۋالناماعا 17,5 ميلليون قولدانۋشى قاتىستى (رەسپوندەنتتەر اراسىندا بوتتاردىڭ كوپ بولعانى ايتىلىپ جاتىر).

ساۋالنامانى جاريالاعان كەزدە ماسك كوپشىلىكتىڭ شەشىمىن ورىندايمىن دەپ ۋادە بەردى، ءبىراق داۋىس بەرۋ اياقتالعان سوڭ ءبىراز ۋاقىت بويى وتستاۆكا جونىندە ناقتى ەشتەڭە جازبادى.

ەسكە سالا كەتەيىك، يلون ماسك Twitter-دى 44 ميلليارد دوللارعا ساتىپ الدى. ول Twitter-دىڭ ديرەكتورلار كەڭەسىن تاراتتى.

ب ۇ ۇ-نىڭ ادام قۇقىقتارى جونىندەگى جوعارعى كوميسسارى فولكەر تيۋرك Twitter-دىڭ باس اتقارۋشى ديرەكتورى يلون ماسكقا اشىق حات جولداپ، وسى الەۋمەتتىك مەديا ارناسىن باسقارۋدا ادام قۇقىقتارىن باستى ورىنعا قويۋعا شاقىردى.

يلون ماسك امەريكانىڭ بۇرىنعى پرەزيدەنتى دونالد ترامپتىڭ وسى الەۋمەتتىك جەلىدەگى اككاۋنتىن بلوكتان شىعارۋ- شىعارماۋ جونىندە ساۋالناما وتكىزىپ، قورىتىندىسى بويىنشا شەشىم شىعاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى