مەملەكەت باسشىسى ورتالىق ازيا مەديا فورۋمىنىڭ قاتىسۋشىلارىمەن كەزدەستى
قاسىم-جومارت توقايەۆ ورتالىق ازيا مەديا فورۋمىنىڭ قاتىسۋشىلارى - تۇركيانىڭ بۇرىنعى پرەزيدەنتى ابدۋللا گۇلمەن، موڭعوليانىڭ بۇرىنعى پرەزيدەنتى نامبارىن ەنحبايارمەن جانە قىرعىز رەسپۋبليكاسىنىڭ مەملەكەتتىك حاتشىسى سۋيۋنبەك كاسمامبەتوۆپەن كەزدەستى.
مارتەبەلى مەيماندار قاسىم-جومارت توقايەۆتى قازاقستان رەسپۋبليكاسى پرەزيدەنتى لاۋازىمىنا قايتا سايلانۋىمەن قۇتتىقتاپ، ونىڭ باستاماسىمەن جۇرگىزىلىپ جاتقان رەفورمالار مەن ساياسي جاڭعىرۋلارعا وڭ باعا بەردى.
پرەزيدەنت ورتالىق ازيا مەديا فورۋمىنا قاتىسقانى ءۇشىن قوناقتارعا العىس ايتىپ، ەلدەرىمىز اراسىندا كوپجاقتى ىنتىماقتاستىقتىڭ دامۋى باۋىرلاستىق جانە دوستىق قارىم-قاتىناستى نىعايتا تۇسەتىنىنە سەنىم ءبىلدىردى.
كەزدەسۋ بارىسىندا حالىقتارىمىزدىڭ تاريحي تامىرى ورتاق ەكەنىنە نازار اۋدارىلدى. سونداي-اق ولار مادەني-گۋمانيتارلىق جانە عىلىمي سالالاردا بىرلەسكەن جوبالاردى ىسكە اسىرۋ قاجەتتىگى جونىندە پىكىر الماستى.
