ءىش نەگە ءتۇيىلىپ اۋىرادى؟

ول ءتۇرلى پروبلەمالار سەبەبىنەن پايدا بولۋى مۇمكىن.

نەسەپ-تاس اۋرۋى

بۇل اۋرۋ زات الماسۋدىڭ بۇزىلۋىنان داميدى جانە نەسەپ ايداعىش جۇيە ورگاندارىندا تاستاردىڭ ءتۇزىلۋىن ىنتالاندىرادى. بۇل اۋرۋدىڭ دامۋىنا ىقپال ەتەتىن سەبەپتەر كوپ:

- ۇزاق ۋاقىت بويى كەرمەك سۋ ءىشۋ؛

- اششى، قىشقىل جانە تۇزدى تاماقتى ارتىق جەۋ؛

- بۇيرەك قىزمەتىنىڭ بۇزىلۋى؛

- زات الماسۋدىڭ بۇزىلۋى؛

- از قوزعالىستى ءومىر سالتى؛

- تازا سۋدى جەتكىلىكتى مولشەردە ىشپەۋ.

گينەكولوگيالىق اۋرۋلار

ءىشتىڭ ءبىر جاق شەتىنىڭ ءتۇيىلىپ اۋىرۋى جاتىر پاتولوگياسى سەبەبىنەن بولۋى مۇمكىن. بۇل جاعدايدا ول بەلسەندى قوزعالىس، فيزيكالىق جۇكتەمە جانە بۇرىلۋ كەزىندە قاتتىراق اۋىرادى. كەيدە بۇل جاعىمسىز سەزىم تۇشكىرۋ نەمەسە جوتەلۋ كەزىندە دە پايدا بولادى. سونداي-اق ەتەككىر سيكلىنىڭ بۇزىلۋى وڭ جاق ءبۇيىردىڭ اۋىرۋىنا سەبەپ بولادى.

سوزىلمالى پانكرەاتيت (ۇيقى بەزىنىڭ قابىنۋى)

سوزىلمالى پانكرەاتيتپەن اۋىراتىن ادامدار مايلى، قۋىرىلعان جانە جوعارى كالوريالى تاماقتى كوپ جەپ قويسا، ءجيى ءىشى ءتۇيىلىپ اۋىرادى. جاعىمسىزدىق تاماقتانعاننان كەيىن بىرنەشە مينۋتتان سوڭ باستالىپ، بىرنەشە ساعاتقا سوزىلۋى مۇمكىن. سونداي-اق سوزىلمالى پانكرەاتيت كەزىندە ءىشتىڭ سول جاعى اۋىرادى جانە ادامنىڭ ءجيى جۇرەگى اينيدى. بۇل اۋرۋدىڭ تاعى ءبىر بەلگىسى — جوعارى گاز تۇز ءتۇزىلۋ.

تىتىركەنگەن ىشەك سيندرومى

ءىش تۇسىنىڭ سىزداپ اۋىرۋى تىتىركەنگەن ىشەك سيندرومىنىڭ بەلگىسى بولۋى مۇمكىن. ول كۇيزەلىس، گورموندى جاڭىلىس جانە ىشەكتەگى وتە ءجيى نەمەسە باياۋ جيىرىلۋدان پايدا بولادى.

ءبىراق ءىشتىڭ ءتۇيىلىپ اۋرۋى - تىتىركەنگەن ىشەك سيندرومىنىڭ جالعىز بەلگىسى ەمەس. بۇل اۋرۋعا شالدىققان ادام سونداي-اق ۇيقىنىڭ بۇزىلۋى، ءىشتىڭ كەبۋى جانە شارشاڭقىلىقپەن قينالادى.

فيزيولوگيالىق فاكتورلار

ءىشتىڭ ءتۇيىلىپ اۋىرۋى فيزيكالىق جۇكتەمەلەردەن دە بولۋى مۇمكىن. ادام ماكسيمۋم بەلسەندىلىك كەزىدە قاتتى اۋىرسىنادى. جاعىمسىز سەزىم 10-20 مينۋتقا سوزىلۋى مۇمكىن. ءبىراق ەگەر ءىشىڭىز ءجيى ءتۇيىلىپ اۋىرسا، ول پاتولوگيالىق پروتسەستى كورسەتۋى مۇمكىن. ءىشتىڭ ءتۇيىلىپ اۋىرۋ قاۋپىن ازايتۋ ءۇشىن جۇگىرۋدەن (نەمەسە جىلدام جۇرىسپەن سەرۋەندەۋدەن) 30 مينۋت بۇرىن تاماقتان باس تارتۋ قاجەت. سونداي-اق سپورتپەن اينالىسپاس بۇرىن جاقسىلاپ شىنىعىپ الۋدى ۇمىتپاڭىز.

ۇيقى بەزى اۋرۋى

ۇيقى بەزى — ءىشتىڭ جوعارعى بولىگىندە، ومىرتقادان ءسال سولعا قاراي ورنالاسقان ورگان. ەگەر ۇيقى بەزى اۋرۋى بولسا، ونىڭ قاتتى اۋىراتىنى سونشالىق، ول بۇكىل ىشتە سەزىلەدى جانە ارقاعا بەرىلەدى.

جارىقتار (گرىجي)

ءىشتىڭ ءتۇيىلىپ اۋىرۋى جارىقتىڭ بەلگىسى بولۋى مۇمكىن. جارىق تۇقىمقۋالاۋشىلىق بەيىمدىلىكتەن، جاستىڭ وزگەرۋى، از قوزعالىستى ءوسمىر سالتى جانە اۋىر فيزيكالىق جۇكتەمەدەن پايدا بولۋى مۇمكىن. ءبىراق جارىقتىڭ دامۋ قاۋپىن ازايتۋ ءۇشىن جانە ءىشتىڭ ءتۇيىلىپ اۋىرۋىن بولدىرماس ءۇشىن راتسيوندى رەتتەۋ، ارتىق فيزيكالىق جۇكتەمەدەن ارىلۋ جانە سالاۋاتتى ءومىر سالتىن ۇستانۋ قاجەت.

اسقازان پاتولوگياسى

اسقازان جانە اسقورىتۋ جولى اۋرۋلارى — ءىشتىڭ ءبىر جاق شەتىنىڭ ءتۇيىلىپ اۋىرۋىنىڭ تاعى ءبىر سەبەبى. ادەتتە، وعان گاستريت، دۋودەنيت، اسقازان قاتەرلى ىسىگى نەمەسە اسقازان جاراسى سەبەپ بولادى. ال بۇل اۋرۋلاردىڭ پايدا بولۋىنا ىشىمىككە سالىنۋ، جۇيكە جۇيەسىنىڭ زاقىمدانۋى، دۇرىس تاماقتانباۋ جانە تولىققاندى دەمالىستىڭ بولماۋى ىقپال ەتەدى. اسقورىتۋ ورگاندارى اۋرۋلارىنىڭ دامۋىنا ەندوكريندى جۇيەلەر اۋرۋلارى، پارازيتتىك پاتولوگيا جانە تەمەكى تارتۋ سەبەپ بولۋى مۇمكىن.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى