رەيدەرلىك قىلمىس: الماتى وبلىسى پوليتسيا باستىعىنىڭ ورىنباسارىنان جاۋاپ الىندى
مۇنى پوليتسيا دەپارتامەنتى راستادى، دەپ حابارلايدى قازاقپارات ءتىلشىسى.
بۇعان دەيىن الەۋمەتتىك جەلىدە رۋستام ابدراحمانوۆتىڭ جۇمىس ورنى مەن ۇيىنە ءتىنتۋ جۇرگىزىلدى دەلىنگەن اقپاراتتار تاراعان بولاتىن.
«قىلمىستىق ءىس باسقا قۇقىق قورعاۋ ورگانىنىڭ ءىس جۇرگىزۋىندە. وسى ءىس اياسىندا ر. ابدراحمانوۆتان كۋاگەر رەتىندە جاۋاپ الىندى. ول قىزمەتىنەن شەتتەتىلگەن جوق»، - دەلىنگەن الماتى وبلىسى پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ايتا كەتەيىك، بۇعان دەيىن قارجىلىق مونيتورينگ اگەنتتىگى رەيدەرلىك جاسادى دەپ ايىپتالعان كۇدىكتى ەلدوس قوسپايەۆ پەن ونىڭ سەنىمدى سەرىكتەستەرىنە قاتىستى تەرگەۋ باستاعانىن حابارلاعان بولاتىنبىز. ولار ۇيىمداسقان قىلمىستىق توپ قۇردى جانە وعان قاتىستى دەگەن كۇدىككە ءىلىنىپ وتىر.
