ەلدەگى مۇناي كەنىشتەرىن بارلاۋعا بولىنەتىن ينۆەستيتسيا ەكى ەسە ازايعان
ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ۇكىمەت وتىرىسىندا وسىنداي پروبلەما كوتەردى، دەپ حابارلايدى قازاقپارات ءتىلشىسى.
«كومىرسۋتەك شيكىزاتىن بارلاۋعا تارتىلاتىن ينۆەستيتسيانىڭ ەكى ەسەگە جۋىق تومەندەگەنى بايقالىپ وتىر. ياعني، 140 ميلليارد تەڭگەدەن 79 ميلليارد تەڭگەگە دەيىن تۇسكەن. بۇل نەگىزىنەن جالپى الەمنىڭ كومىرتەگى ۇلەسىن ازايتۋ ساياساتىنا كوشۋىنە بايلانىستى»، - دەدى ول.
ايتۋىنشا، سالاداعى ينفراقۇرىلىم مەن بيزنەس- پروتسەستەردى سيفرلاندىرۋدىڭ تومەن دەڭگەيدە قالۋى دا وزەكتى پروبلەماعا اينالعان.
«كادر تاپشىلىعى، جەر قويناۋىن مەملەكەتتىك گەولوگيالىق زەرتتەۋگە عىلىمي ۇيىمداردىڭ جەتكىلىكسىز دەڭگەيدە قاتىسۋى، گەولوگيالىق اقپاراتتىڭ ساقتالۋ ينفراقۇرىلىمىنىڭ دامىماۋى سەكىلدى پروبلەمالاردى جەكە اتاۋعا بولادى. وسىعان بايلانىستى گەولوگيا سالاسىن دامىتۋدىڭ 2023-2027 -جىلدارعا ارنالعان تۇجىرىمداماسى ازىرلەندى»، - دەدى سەرىكقالي برەكەشيەۆ.
