ءاليحان سمايىلوۆ شىعىستاعى كەنىشتەردىڭ سارقىلا باستاعانىنا الاڭداۋشىلىق ءبىلدىردى
«ەلىمىز ءوزىنىڭ تابيعي ارتىقشىلىعىن تولىقتاي پايدالانا الماي وتىر. سوڭعى جىلدارى پايدالى قازبالاردىڭ كوپتەگەن ءتۇرى بويىنشا جاڭا قورلاردى اشۋ جۇمىستارى ماردىمسىز جۇرۋدە. مىسالى، تاياۋ ونجىلدىقتا شىعىس قازاقستاندا ورلوۆ، مالەيەۆ، تيشينسكوە جانە ريددەر- سوكولنوە سياقتى ءىرى مەتال كەن ورىندارى سارقىلادى»، - دەدى ۇكىمەت باسشىسى.
ونىڭ پايىمىنشا، ونەركاسىپ شيكىزاتىنا سۇرانىستىڭ ءوسۋى جاڭا كەن ورىندارىن ىزدەپ-تاۋىپ، مينەرالدىق-شيكىزات بازاسىن كەشەندى دامىتۋدى تالاپ ەتەدى.
«وسىعان بايلانىستى گەولوگيالىق بارلاۋ سالاسىنا ينۆەستيتسيالار تارتۋ ءۇشىن ءتيىستى جاعداي جاساۋ قاجەت. ينۆەستورلارعا كەشەندى سەرۆيستىك قولداۋ كورسەتۋ ماقساتىندا ۇلتتىق گەولوگيالىق قىزمەت قۇرىلدى»، - دەدى ءاليحان سمايىلوۆ.
