قارجى ءمينيسترى ايەلىنىڭ قازاقستان دامۋ بانكى اپپارات باسشىسى بولىپ تاعايىندالۋىنا پىكىر ءبىلدىردى
«ايەلىڭىزدىڭ قازاقستان دامۋ بانكىنىڭ اپپارات باسشىسى بولىپ تاعايىندالعانى راس پا؟ ءسىز «بايتەرەك» حولدينگىنىڭ ديرەكتورلار كەڭەسىنىڭ مۇشەسىسىز. ال قازاقستان دامۋ بانكى وسى حولدينگكە قارايدى. بۇل جەردە مۇددەلەر قايشىلىعى جوق پا؟» دەپ سۇرادى جۋرناليست ۇكىمەت كۋلۋارىندا.
ۆيتسە-پرەمەردىڭ سوزىنە قاراعاندا، بۇل ماسەلە ەڭ ءبىرىنشى كەزەكتە پىسىقتالعان.
«ول راس. مەن «بايتەرەكتەن» ارنايى اقپارات الدىردىم. زاڭگەرلەر تۇگەل تەكسەردى. بۇل جەردە ەشقانداي دا مۇددەلەر قاقتىعىسى جوق. اپپارات باسشىسى باسقارما مۇشەسى بولىپ تابىلمايدى. ياعني، ول ەشقانداي ساياسي شەشىم قابىلدامايدى. بۇل «بايتەرەكتىڭ» وزىندە ەمەس، ەنشىلەس ۇيىمىندا جۇمىس ىستەيدى. سوندىقتان ەشقانداي مۇددەلەر قاقتىعىسى جوق»، - دەدى ەرۇلان جاماۋبايەۆ.
