قاراكولدە اققۋلاردىڭ قىرىلۋىنا قاتتى اياز سەبەپ بولۋى مۇمكىن

بۇل تۋرالى​ ماڭعىستاۋ وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسىنىڭ باسشىسى عابباس دوساتوۆ ءمالىم ەتتى، دەپ حابارلايدى قازاقپارات ءتىلشىسى.

ماڭعىستاۋ وبلىستىق اۋماقتىق ينسپەكتسياسىنىڭ، «ءۇستىرت» مەملەكەتتىك تابيعي قورىعىنىڭ قىزمەتكەرلەرى، ماڭعىستاۋ وبلىسىنىڭ ەكولوگيا، ۆەتەريناريا ينسپەكتسياسى جانە اۋىل شارۋاشىلىعى باسقارماسىنىڭ ماماندارى، سونداي-اق «م ا ە ك- قازاتومونەركاسىپ» ج ش س ەكولوگتەرى تەكسەرۋ جۇرگىزگەن.

«ساراپشىلار تەكسەرۋ كەزىندە ولگەن ون اققۋ تاپتى. ولاردىڭ بارلىعى جاس. ءالى دە قىستىڭ سۋىعىنا جارايتىن ماي جيناپ ۇلگەرمەگەن. الدىن الا بولجامدار بويىنشا بۇل اققۋلار ءولىمىنىڭ ءبىرىنشى سەبەبى بولۋى مۇمكىن. سونداي-اق، تاعى ءبىر فاكتور - وڭىردەگى قاتتى اياز. ويتكەنى، ماڭعىستاۋ وبلىسىندا 1- جەلتوقساننان باستاپ تەمپەراتۋرا 15- گرادۋسقا دەيىن تومەندەدى. كاسپي تەڭىزىنىڭ جاعالاۋى مەن قاراكول كولىنە مۇز قاتقان. ول جاس قۇستارعا جەم بەرۋگە قيىندىق تۋعىزعان»، - دەدى ول.

ەكولوگيا دەپارتامەنتىنىڭ ماماندارى سۋدان سىنامالار الدى، سونداي-اق ۆەتەريناريالىق ينسپەكتسيا ماماندارى ولگەن اققۋلارعا تالداۋ جاسادى. جينالعان تالداۋ ناتيجەلەرىنەن كەيىن قوسىمشا اقپارات بەرىلەدى.

ايتا كەتۋ كەرەك، اققۋدىڭ بۇل ءتۇرى ق ر قىزىل كىتابىنا ەنبەگەن.

جالپى، جىلىنا قاراكول كولىندە 10000 عا جۋىق اققۋ قىستايدى.

بۇگىن ماڭعىستاۋ وبلىسىنداعى قاراكول كولىنىڭ جاعالاۋىنان ءولى اققۋلاردىڭ تابىلعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى