بۇل ماسەلە ءالى دە وزەكتى - ساياسات نۇربەك جاتاقحانا تاپشىلىعى تۋرالى

بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.

«بيىل جاتاقحانا ماسەلەسى قاتتى كوتەرىلدى جانە ول ءالى باسىلمادى. نەگە دەسەڭىز، ستۋدەنتتەردىڭ سانى ءوسىپ جاتىر. قازاقستاندا دەموگرافيالىق ءدۇمپۋ زور. جالپى، جىلدىڭ باسىندا 87 مىڭ جاتاقحانا ورنى تاپشى بولدى. قابىلدانعان جەدەل شارالاردىڭ ارقاسىندا، ياعني 3-4 ايدىڭ ىشىندە ءبىز مۇنى 75 مىڭعا ازايتتىق»، - دەپ جاۋاپ بەردى ساياسات نۇربەك ءتىلشى ساۋالىنا وراي.

ءمينيستردىڭ ايتۋىنشا، ورىن تاپشىلىعى ماسەلەسى ەلىمىزدەگى 4 قالادا وتە وزەكتى. ال، قالعان وڭىرلەردە بوس ورىندار بار.

«بۇل ماسەلە بارلىق وڭىردە وزەكتى ەمەس. تەك الماتى مەن استانادا. وڭىرلەردەگى جاتاقحانالاردا 14 مىڭ بوس ورىن بار. مىسالى، قازىر وسكەمەندە 600 توسەك ورىن بوس تۇر. سول سياقتى پاۆلودار، قاراعاندى قالالارىندا دا بوس ورىندار بار. باستىسى، وسى ەڭ ۇلكەن ەكى قالانىڭ ماسەلەسىن شەشۋ بولىپ وتىر. سوسىن شىمكەنت جانە اقتوبە تۇر. وسى ءتورت قالادا جەتىسپەۋشىلىك بار»، - دەدى مينيستر.

ەسكە سالا كەتەيىك، بۇعان دەيىن الماتىلىق ستۋدەنتتەردىڭ %54 عانا جاتاقحانامەن قامتىلعانىن جازىپ ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى