قازاقستاندىق الىپ كۇش يەسى المات جۇمانوۆ ايگىلى امەريكالىق پروموۋشەنمەن كەلىسىمگە كەلدى

بۇل تۋرالى ول Instagram جەلىسىندەگى پاراقشاسىندا حابارلادى.

ا. جۇمانوۆ ءوز جازباسىندا ايگىلى Bare Knuckle Fighting Championship پروموۋشەنىمەن كەلىسىمگە قول قويىلعانىن اتاپ ءوتتى.

بەلگىلى بولعانداي، امەريكالىق پروموۋتەر دەۆيد فەلدمان قازاقستاندىق تيتاننىڭ بۇعان دەيىنگى جەتىستىكتەرىن: ۆاگون، پويىز، ۇشاق سۇيرەپ، تۇيە ارقالاپ ورناتقان رەكوردتارىن باقىلاپ كەلگەن.

ونىڭ ايتۋىنشا، قازاقستاندىق سپورتشىلار بۇل تانىمال پروموۋشەنمەن بۇرىن كەلىسىمشارتقا وتىرماعان.

«Bare Knuckle Fighting Championship تۋرنيرىنىڭ نەگىزىن قالاۋشى دەۆيد فەلدمان ماعان ءبىر جىلدىق كەلىسىمشارت ۇسىندى. ياعني، جىلىنا ءتورت مارتە جەكپە- جەك وتكىزۋگە مۇمكىندىك الدىم. مەن جۇدىرىقتاسۋ سپورتىنا قاتىسامىن. باستى ماقساتىم - امەريكادا قازاقستان تۋىن جەلبىرەتۋ. قۇداي قالاسا، ارمانىم ورىندالادى»، - دەيدى ا. جۇمانوۆ.

ول جاقسى دايىندالىپ، ۇزدىك ناتيجەگە قول جەتكىزۋدى جوسپارلاپ وتىرعانىن دا جەتكىزدى. قازاق تيتانى جانكۇيەرلەرىنە قولداۋ كورسەتكەنى ءۇشىن العىسىن جەتكىزدى.

بيىل جازدا «قازاق تيتانى» «يران حالكىن» نوكاۋتقا ءتۇسىردى. ولار بوكس ەرەجەسى بويىنشا ءارقايسىسى ەكى مينۋتتان ءتورت راۋندتىق فورماتتا جۇدىرىقتاستى.

بۇل تارتىستا «قازاق تيتانى» قارسىلاسىن ءبىرىنشى راۋندتا- اق تەحنيكالىق نوكاۋتقا تۇسىرگەن.

بۇرىن حابارلانعانداي، «قازاق تيتانى» گىر تاسىن كوتەرۋ ارقىلى تانىمال بولدى: ءساۋىر ايىندا ا ن-72 ۇشاعىن ورنىنان جىلجىتىپ، گيننەستىڭ رەكوردتار كىتابىنا ەندى.

«يراندىق حالك» بولسا، اۋىر اتلەتيكا جانە بوديبيلدينگتە رەكوردتارىمەن ەرەكشە تانىمال بولدى.

سپورتشىنىڭ بويى - 188 س م، ال سالماعى شامامەن 177 ك گ.

فوتو: instagram.com/qazaqtitan

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى