زايساندا مەديتسينانىڭ قاۋقارى ارتىپ كەلەدى

ويتكەنى بولاشاق انانىڭ بويىنان قانداي دا ءبىر اسقىنۋ بايقالعان جاعدايدا وعان جەرگىلىكتى جەردە كومەك كورسەتىلەدى. ياعني ولار بۇرىنعىداي 600-800 شاقىرىم جەردەگى وبلىس ورتالىعىنا جىبەرىلمەيدى. ولكەدەگى ەڭ شالعاي زايسان اۋدانىندا مەديتسينالىق مۇمكىندىكتەر ارتىپ كەلەدى. ونىڭ ءبىر دالەلى - پەرزەنتحاناداعى قۇرال جابدىقتاردىڭ جاڭارۋى.

گۇلنۇر كەنجەحانوۆا جاقىندا عانا نارەستەسىن قۇشاعىنا الدى. تولعاق كەزىندە جاتىرداعى شارانانىڭ جاعدايى قيىنداپتى. جۇرەك سوعىسى تومەندەپ كەتكەن. بۇنى قولدا بار كارديتوكوگرافيا اپپاراتى كورسەتىپ بەرگەن. سونىڭ ارقاسىندا دارىگەرلەر بىردەن جەدەل شەشىم قابىلدادى.

گۇلنۇر كەنجەحانوۆا، جاس انا:

- ك ت گ اپپاراتىنىڭ كومەگى تولعاق كەزىندە بالانىڭ ءسابىيمىنىڭ جۇرەگىنىڭ سوعۋى تومەندەپ كەتۋى دارىگەرلەردىڭ جاۋاپەرشىلىگى مەن بىلىكتىلىگى ارقاسىندا كەسار تىلىگى ارقىلى ءسابىيىمدى دۇنيەگە الىپ كەلدىم.

جىلىنا 600-700 ايەل بوساناتىن پەرزەنتحانا عيماراتىندا قازىر جوندەۋ جۇمىستارى اياقتالۋعا جاقىن. مەكەمەگە ورتالىقتاندىرىلعان وتتەگى جۇيەسى دە تارتىلدى. مۇنداعى ۇجىم بۇدان بىلاي 34 اپتاعا دەيىن ومىرگە كەلگەن شاقالاقتارعا وزدەرى- اق كۇتىم جاساي الادى. ول ءۇشىن تولىق جاعداي بار. جالپى زايسانعا تەك وسى اۋداننان ەمەس، كورشىلەس كۇرشىم، تارباعاتايدان اعىلاتىن ناۋقاستار كوپ. سوندىقتان كومپيۋتەرلىك توموگرافيا، ينسۋلت ورتالىعى سىندى مۇمكىندىكتەر اسا قاجەت.

جانات جاقىپبايەۆا، زايسان اۋداندىق اۋرۋحاناسى باس دارىگەرىنىڭ ورىنباسارى:

- وبلىس دەڭگەيىندە قولداۋ كورسەتىپ بىزگە ەندى كومپيۋتەرلىك توموگرافيا بەرىلەتىن بولىپ تۇر. 523 ميلليون تەڭگەنى قۇرايدى. ينسۋلت ورتالىعىن دا اشۋى جوسپارى بار، وعان ماماندار كەلىپ، قاي جەردە ورنالاسادى دەگەن مالىمەتتەردى كورىپ كەتكەن.

44 جىل بويى وسى جەردە تابان اۋدارماي قىزمەت ەتىپ كەلە جاتقان بەكزات ايتبايەۆ اۋرۋحانانىڭ بۇرىنعىسى مەن قازىرگى احۋالىن جاقسى بىلەدى. زاماناۋي جابدىقتاردىڭ ارتۋى- جۇرت دەنساۋلىعىنا جاسالعان قامقورلىق دەپ سانايدى.

بەكزات ايتبايەۆ، زايسان اۋداندىق اۋرۋحاناسى جانساقتاۋ ءبولىمىنىڭ مەڭگەرۋشىسى:

- بۇرىن كەيبىر اپپارۋترالار جەتكىلىكسىز بولعان قازىر وتتەگى ورتالىقتان، ءبىر جەردەن تولىق بەرىلەدى، ءدارى دارمەكپەن تولىق قامتاماسىز ەتىلگەن. ەندى جەتىسپەيتىن ءبىر نارسە - اۋداندا ەمحانا جەتىسپەيدى. سول ەمحانا سالىنسا ەكەن دەگەن ويدامىز.

دارىگەرلەردىڭ بۇل ۇسىنىستارى دا ەسكەرىلىپ قالار دەگەن ءۇمىت بار. الداعى ۋاقىتتا وڭىردەگى ەلدىمەكەندەردە 36 مەديتسينالىق مەكەمە سالۋ جوسپارلانعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى