يراندا شەرۋگە شىققانداردى قولداعان اكتريسا قاماۋعا الىندى
وعان ەلدى شارپىعان جالپى ۇلتتىق نارازىلىقتار تۋرالى جالعان اقپارات تاراتتى دەگەن ايىپ تاعىلعان، دەپ حابارلايدى قازاقپارات ەuronews اقپارات اگەنتتىگىنە سىلتەمە جاساپ.
وسكار سىيلىعىن العان «كومميۆوياجەر» فيلمىنىڭ جۇلدىزى ونىڭ Instagram-دا ۇكىمەتكە قارسى شىققان دەمونسترانتتىڭ ءولىم جازاسىنا كەسىلگەنىن ايىپتاعان جازباسىن جاريالاعاننان بىرنەشە كۇن وتكەن سوڭ ۇستالدى. اكتريسا قاراشا ايىندا الەۋمەتتىك جەلىدە نارازىلىق بىلدىرۋشىلەرمەن حيدجابىن شەشىپ تۇسكەن سۋرەتىن جاريالادى.
يراندا نارازىلىق شارالارى حيدجابتى قاتە كيگەنى ءۇشىن قاماۋعا الىنعان ماحسا اميني قايتىس بولعاننان كەيىن، قىركۇيەكتە باستالدى. كوپ ۇزاماي اكسيالار بۇكىل ەلگە تارادى. قۇقىق قورعاۋشىلاردىڭ مالىمەتىنشە، شەرۋدى باسىپ- جانشۋ كەزىندە قاۋىپسىزدىك كۇشتەرى كەم دەگەندە 495 شەرۋشىنى ولتىرگەن. 18 مىڭنان استامى قاماۋعا الىنىپ، 11 ى ءولىم جازاسىنا كەسىلدى.
