ساۋد ارابياسىندا «توميريستى» سوڭعى جىلدارى شىققان ساپالى تاريحي فيلم دەپ باعالادى
فەستيۆالگە قازاقستانمەن قاتار ءۇندىستان، يسپانيا، اۋستراليا، كۋبا، شۆەتسيا، بانگلادەش، ا ق ش، ليۆان، ساۋد ارابياسى، الجير، ليۆان، پالەستينا سياقتى ەلدەر قاتىستى.
كينوفەستيۆال اياسىندا رەجيسسەر اقان ساتايەۆتىڭ «توميريس» اتتى قازاقستاندىق كوركەم فيلمى كوپشىلىككە ۇسىنىلدى. كينو ەجەلگى گرەك تاريحشىسى گەرودوت گاليكارناستىڭ ماسساگەت پاتشايىمى تۋرالى اڭگىمەلەيتىن شەجىرەلەرىنە نەگىزدەلگەن.
فيلم جەرگىلىكتى كورەرمەندەر مەن ديپلوماتيالىق كورپۋس وكىلدەرىنىڭ وڭ پىكىرلەرىن الدى. تاماشالاۋعا كەلگەندەر وتاندىق كينو اكتەرلەرىنىڭ ويىنىن جوعارى باعالادى. ولار سونداي-اق ەڭ كۇردەلى جاۋىنگەرلىك، شاباندوزدىق شەبەرلىك كورىنىستەرىنىڭ اۋقىمى مەن ورىندالۋىن اتاپ ءوتتى جانە «توميريس» فيلمىن سوڭعى جىلدارداعى ساپالى تاريحي فيلمدەردىڭ ءبىرى دەپ اتادى.
