استانادا ءبىرىنشى ورتالىق ازيا مەديافورۋمى وتەدى
فورۋمدى اقپاراتتىق قولداۋشى سەرىكتەستەردىڭ ءبىرى – ق ر پرەزيدەنتىنىڭ تەلەراديوكەشەنى، دەپ حابارلايدى قازاقپارات.
فورۋم اياسىندا مەدياماماندار مەن تانىمال ساراپشىلار وڭىردەگى مەديانى دامىتۋدىڭ وزەكتى ماسەلەلەرىن تالقىلاپ، ورتالىق ازيادا ورتاق مەديا كەڭىستىك قۇرۋ يدەياسىن ساراپتايدى.
ورتالىق ازيا مەديافورۋمىنىڭ كۇن تارتىبىندەگى باستى ماسەلە - ءبىرىڭعاي مەديا پلاتفورما قالىپتاستىرۋ.
ءىس-شاراعا 100 دەن استام سپيكەر قاتىسادى.
بۇل - حالىقارالىق دەڭگەيدەگى بەلگىلى عالىمدار، ساياساتكەرلەر، جۋرناليستەر، بەدەلدى ساراپشىلار مەن مەديا سالاسىنداعى حالىقارالىق ۇيىمداردىڭ وكىلدەرى.
ءبىرىنشى ورتالىق ازيا مەديافورۋمىنىڭ قاتىسۋشىلارى وڭىرلىك بىرەگەيلىك، جاڭا مەديانى دامىتۋ، جاساندى ينتەللەكت تەحنولوگيالارىن مەديادا قولدانۋ، ورتالىق ازياداعى كرەاتيۆتى يندۋستريانىڭ دامۋى، پوست-شىندىق كەزەڭىندەگى اقپاراتتىق قاۋىپسىزدىك، مەديا سالاسىنداعى ءبىلىم بەرۋ ترانفورماتسياسى، ءوزارا ىنتىماقتاستىقتاعى حالىقارالىق ۇيىمداردىڭ ورنى، ازاماتتىق قوعامدى دامىتۋداعى گەندەرلىك تەڭدىكتىڭ ءرولى، وڭىرلىك جانە جاھاندىق كووپەراتسيا مۇمكىندىكتەرى سياقتى كوكەيكەستى ماسەلەلەردى ءسوز ەتپەك.
فورۋمنىڭ پانەلدىك سەسسياسىندا تۇركيانىڭ 11- پرەزيدەنتى ابدوللا گۇل، موڭعوليانىڭ 3-پرەزيدەنتى نامبارىن ەنحبايار ءوز ويلارىن ورتاعا سالادى.
ءىس-شارانىڭ حەدلاينەرى - امەريكالىق New York Times-تىڭ 4 مارتە بەستسەللەر يەگەرى، قازاق قىزى، بۇركىتشى ايشولپان جايلى جازىلعان «eagle Huntress» كىتابىنىڭ اۆتورى ليز ۋەلش، گولليۆۋد اكتەرى، ايگىلى بوكسشى روي دجونس، YouTube جەلىسىندە 18 ميلليارد قارالىم جيعان دۇنيە جۇزىندەگى بالالارعا ارنالعان ەڭ تانىمال dBillions جوباسىنىڭ اۆتورى ەرنيس ۋمەتاليەۆ جانە پۋليتتسار سىيلىعىنىڭ يەگەرلەرى.
سونىمەن قاتار، ءىس-شاراعا تۇركى مەملەكەتتەرى ۇيىمى، يسلام ىنتىماقتاستىعى ۇيىمى، تۇركى مەملەكەتتەرىنىڭ پارلامەنتتىك اسسامبلەياسى، تۇركسوي، ا ى و س ش ك، ب ۇ ۇ، يۋنەسكو، يۋنيسەف، UNFPA، ە ق ى ۇ قازاقستانداعى وكىلدىكتەرى قاتىسادى.
تانىمال قازاقستاندىق ءانشى ديماش قۇدايبەرگەن ب ۇ ۇ رەزوليۋتسيا ارقىلى بەكىتكەن 21- قىركۇيەكتەگى «حالىقارالىق بەيبىتشىلىك كۇنىنىڭ» جانە الەمدىك «Peace one day» جوباسىنىڭ اۆتورى دجەرەمي گيلليمەن بىرگە بەيبىتشىلىك يدەياسى بويىنشا ارنايى سەسسيا وتكىزەدى.
