ايگۇل سەيىلدىڭ «وي- كەرۋەن» اتتى كىتابى وقىرمانعا جول تارتتى
قالامگەردىڭ بۇل كىتابىنا ءار جىلدارى جازىپ، «ەگەمەن قازاقستان»، «قازاق ادەبيەتى»، «جاس قازاق»، «جاس الاش» سىندى مەرزىمدى باسىلىم بەتتەرىندە جاريالانعان زەرتتەۋلەر، سۇحباتتار، تانىمدىق ماقالالار ەنگەن.
اتالمىش شاراعا، قازاقستان جازۋشىلار وداعىنىڭ استاناداعى فيليالىنىڭ ءتوراعاسى، اقىن داۋلەتكەرەي كاپ ۇلى باستاعان قالامگەرلەر مەن جۋرناليستەر، زيالى قاۋىم وكىلدەرى قاتىسىپ، ايگۇل سەيىلدىڭ شىعارمالارى تۋرالى وي ءبولىستى.
«بۇل كىتاپتى ۋاقىت تاۋىپ وقىپ شىقتىم. وتە سالماقىت قۇندى دۇنيەلەر جارىق كورىپتى. مۇنداعى ادەبي زەرتتەۋلەر شۇبالاڭ ەمەس جيناقى جازىلعان. ايگۇل ناعىز شىعارماشىلىقتىڭ ادامى ەكەنىن جاقسى بىلەسىزدەر. كۇندەلىكتى باسپا ءسوزدىڭ قاجەتىن قاناعاتتاندىرىپ، جۋناليستيكانىڭ جۇگىن ارقالاي ءجۇرىپ، ءوزىنىڭ وسىنداي شىعارماشىلىق الەۋەتىن كورسەتە ءبىلۋ كوپ ادامنىڭ قولىنان كەلمەيدى. ايگۇلگە شىعارماشىلىق تابىس تىلەيمىن»، - دەدى داۋلەتكەرەي كاپ ۇلى.
ايتا كەتەيىك، اتالعان ەڭبەك، قازاقستان رەسپۋبليكاسى مادەنيەت جانە سپورت مينيستىرلىگى «مادەنيەت جانە ونەر سالاسىنداعى باسەكەلەستىكتى جوعارىلاتۋ، قازاقستىندىق مادەني مۇرانى ساقتاۋ، زەردەلەۋ مەن ناسيحاتتاۋ» باعدارلاماسى اياسىندا جارىق كورگەن.
«ول - العاشقى جىر جيناعىن ستۋدەنت شاعىندا شىعارىپ ۇلگەرگەن اقىن. ونىڭ اۋدارمالارى ءتۇپنۇسقادان اسىپ تۇسپەسە كەم ەمەس. ادەبي شىعارمالارعا جاساعان تالداۋىلارىنىڭ تانىمى تەرەڭ. سەبەبى قاي شىعارمانى تالداسا دا، ونى بولمىسىمەن تۇسىنگەندەي اسەر قالدىرادى. كەز كەلگەن وقىرمان اڭعارماۋى مۇمكىن تىم نازىك تۇستارىن دا ءوزىنىڭ قاعىلەزدىگىمەن بايقاپ، ەرەكشە تالدايدى»، - دەيدى جۋرناليست كلارا ناقىپ.
اۆتور
ريزابەك نۇسىپبەك ۇلى
