حالىقارالىق كينوفەستيۆالدە «مۇقاعالي» بىردەن بەس جۇلدەنى جەڭىپ الدى

ش. ايمانوۆ اتىنداعى «قازاق فيلم» كينوستۋدياسىنىڭ باسپا ءسوز قىزمەتى ءمالىم ەتكەندەي، سەنت-ەندريۋس كينوفەستيۆالىندە «مۇقاعالي» كوركەم فيلمى بىردەن بەس جۇلدەگە يە بولدى. اتاپ ايتار بولساق، گران-پري، ۇزدىك كينودراماتۋرگ، ۇزدىك كينورەجيسسەر، ۇزدىك وپەراتور جانە ۇزدىك اكتەر اتالىمدارىنا لايىق تانىلدى.

«مۇقاعالي» كوركەم ءفيلمى ءبىر جىلدا 10 حالىقارالىق سىيلىققا يە بولدى. بۇل - بۇرىن-سوڭدى بولماعان وتە قۋانىشتى جاڭالىق. بارشا قازاق كينوسىن قادىرلەيتىن كورەرمەندەرگە العىسىمدى بىلدىرەمىن. قازاقتىڭ ۇلى اقىنىن ۇلىقتاعان فيلم جاستارعا تەك شابىت بەرسىن، مۇقاعالي اتامىزدىڭ ونەرىن دارىتسىن دەپ تىلەگىم كەلەدى. تاۋەلسىزدىك كۇنى قارساڭىندا الەمنىڭ بەلدى سىنشىلارى ءوز باعاسىن بەرگەن بۇل جۇلدەلەر - قازاق حالقىنىڭ ورتاق جەڭىسى»، - دەدى فيلمنىڭ رەجيسسەرى بولات قالىمبەتوۆ.

مادەنيەت جانە سپورت مينيسترلىگىنىڭ تاپسىرىسى بويىنشا شاكەن ايمانوۆ اتىنداعى «قازاق فيلم» كينوستۋدياسى تۇسىرگەن تۋىندىدا اتى اڭىزعا اينالعان قازاق اقىنى مۇقاعالي ماقاتايەۆتىڭ ءومىرىنىڭ سوڭعى جىلدارى تۋرالى باياندالادى.

قازاقستاندا فيلم 2021-جىلدىڭ 21- قازانىندا پروكاتقا شىققان بولاتىن. الەمدىك پرەمەراسى 25- (PضFF) تاللين كينوفەستيۆالى اياسىندا ءوتتى، وندا قازاقستاندىق كارتينا ەكۋمەنيكالىق قازىلار القاسىنىڭ جۇلدەسىنە يە بولدى.

بيىل ناۋرىز ايىندا بيوگرافيالىق كارتينا كەرالاداعى (ءۇندىستان) 26-حالىقارالىق كينوفەستيۆالدىڭ «الەمدىك كينو» سەكسياسىندا ۇسىنىلدى.

قىركۇيەك ايىنىڭ باسىندا قازان كينوفەستيۆالىندە قازىلار القاسىنىڭ ارنايى جۇلدەسىنە يە بولدى.

قازان ايىندا فيلم دۋبايداعى meta Film Fest كينوفەستيۆالىندە باس جۇلدەگە يە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى