پارلامەنت وزىندىك ەرەكشەلىگى بار تاۋارلارعا قاتىستى زاڭ قابىلدادى
«اتالعان زاڭ جوبالارىن پارلامەنت ءماجىلىسى 2022-جىلعى قازاندا ماقۇلدادى. سەنات ەنگىزگەن وزگەرىستەر مەن تولىقتىرۋلار ءماجىلىس ماقۇلداعان زاڭ جوباسىنىڭ تۇجىرىمداماسىن وزگەرتپەيدى جانە مازمۇنىن ناشارلاتپايدى. تۇزەتۋلەر جەكەلەگەن مەملەكەتتىك ورگانداردىڭ ولارعا جۇكتەلگەن جاۋىنگەرلىك جانە جەدەل قىزمەتتىك مىندەتتەردى شەشۋ ءۇشىن قارۋ اكەتۋ ەرەكشەلىكتەرىن، سونداي- اق قر ۇكىمەتىنىڭ وكىلەتتىكتەرىن ناقتىلاۋدى ەسكەرىپ وتىر»، - دەدى ءماجىلىس دەپۋتاتى قۇدايبەرگەن ەرجان.
سونىمەن قاتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزىندىك ەرەكشەلىگى بار تاۋارلاردى باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىندا «112» ءبىرىڭعاي كەزەكشى-ديسپەتچەرلىك قىزمەتىن قۇرۋعا بايلانىستى ماسەلەلەر بولىگىندە تۇزەتۋلەر ەنگىزۋ ۇسىنىلدى.
«وسى ورايدا ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى پارلامەنت سەناتى ەنگىزگەن وزگەرىستەرمەن كەلىسۋدى ۇسىنادى»، - دەدى دەپۋتات.
ءوز كەزەگىندە ءماجىلىس دەپۋتاتتارى سەنات ەنگىزگەن تۇزەتۋلەردى قولداپ داۋىس بەردى.
بۇدان بۇرىن حابارلانعانداي، وتكەن اپتادا سەنات «وزىندىك ەرەكشەلىگى بار تاۋارلاردى باقىلاۋ تۋرالى» زاڭ جوباسىن جانە ىلەسپە قۇجاتتى تالقىلادى. وسى ورايدا ولارعا تۇزەتۋلەر ەنگىزىلگەندىكتەن، زاڭ جوبالارىن ماجىلىسكە قايتارعان ەدى.
