يلون ماسك ەندى الەمدەگى ەڭ باي ادام ەمەس
Forbes جانە Bloomberg مالىمەتىنشە، ەندى عالامشارداعى ەڭ باي ادامدار تىزىمىندە LVMH ليۋكس تاۋارلار كومپانياسىنىڭ باسشىسى بەرنار ارنو تۇر.
بۇل تۋرالى قازاقپارات bbc اقپارات اگەنتتىگىنە سىلتەمە جاساپ حابارلايدى.
Forbes مالىمەتىنشە، ماسكتىڭ داۋلەتى قازىر 178 ميلليارد دوللاردى قۇرايدى. ب ا ق ەلەكتروموبيل ءوندىرۋشىسى Tesla نىڭ شامامەن %14 نا يە ەكەنىن جانە قازان ايىندا Twitter دى 44 ميلليارد دوللارعا ساتىپ الدى دەپ باعالاپ وتىر.
بۇل رەتتە ارنونىڭ جالپى بايلىعى 188 ميلليارد دوللاردى قۇرادى.
LVMH - فرانسۋزدىق ءساندى بۇيىمدار كونگلومەراتى. كومپانيا 1987 -جىلى Louis Vuitton جانە Moët Hennessy ءسان ۇيلەرىنىڭ بىرىگۋى ناتيجەسىندە قۇرىلدى. قازىرگى ۋاقىتتا ول 75 ليۋكس برەندىن بىرىكتىرىپ وتىر. 2021 -جىلى LVMH ەۋروپاداعى ەڭ قۇندى كومپانيا بولىپ تانىلدى. كاسىپكەرلىكتى ارنونىڭ وتباسى باسقارىپ كەلەدى.
ماسك Forbes جۋرنالىنىڭ ميللياردەرلەر تىزىمىندە العاش رەت 2021 -جىلدىڭ كوكتەمىندە ءبىرىنشى تۇردى. سول كەزدە ونىڭ تازا داۋلەتى 219 ميلليارد دوللارعا جەتىپ، Amazon نەگىزىن قالاۋشى دجەفف بەزوستى كوشباسشىلىقتان ىعىستىرىپ جىبەردى.
ول كەزدە فرانسۋز كاسىپكەرى بەرنار ارنو ءۇشىنشى ورىندا بولاتىن. ول ۇزدىك «ۇشتىككە» العاش رەت 2020 -جىلى ەنگەن. سودان بەرى ارنو وتباسىنىڭ بايلىعى، Forbes مالىمەتى بويىنشا، ەكى ەسەدەن استام - 76 ميللياردتان 158 ميلليارد دوللارعا دەيىن ءوستى.
