جانقوش تۇراروۆتىڭ ايەلىنىڭ جانكۇيەرلىگى كازنەتتى ءبىر شۋلاتتى
ايتا كەتەيىك، 11- جەلتوقسان الماتىدا وتكەن بوكس كەشىندە جانقوش ۆەنەسەلالىق ەنريكە لۋيستى نوكاۋتقا ءتۇسىرىپ، IBO Intercontinental بەلبەۋىن جەڭىپ الدى.
العاش رەت قازاقستانداعى كەشتى DAZN پلاتفورماسى كورسەتتى. بۇل تۇراروۆتىڭ ستريمينگ سەرۆيستەگى دەبيۋتى بولاتىن.
بلوگەرلەر كلارا يسانىڭ كۇيەۋى جانقوش تۇراروۆقا كورسەتكەن قولداۋىنىڭ ۆيدەوسىن بولىسە باستادى.
«ءار چەمپيوننىڭ ارتىندا ءبىر ايەلى تۇرادى دەيدى. جەڭەشەمدى قۇتتىقتايمىن»، - دەيدى موبيلوگراف قىران تالاپبەك.
ال «ەكسپرەسس ك» سايتى كەرىسىنشە، كلارا يسانىڭ ارەكەتىن سىناعانداردىڭ پىكىرلەرىن كەلتىرىپتى:
«وسى قاتىندارعا نە جوق؟ ۇيدە وتىرماي ما؟»، «بۇل ايەل جۇرەتىن جەر ەمەس. قازاعىما جاراسپايدى. قابانباي، بوگەنباي باتىرلار ايقاسقاندا ايەلدەرى قاسىندا ەمەس، ۇيىندە تىلەۋىن تىلەگەن»، «مەنىڭ ويىمشا ايەلدىڭ ۇيىندە تىلەۋىن تىلەپ وتىرعانى دۇرىس بولۋشى ەدى. بۇل جەردە كۇيەۋىن قولداۋ ءۇشىن ەمەس، ءوزىن كورسەتۋگە كەلگەنى كورىنىپ-اق تۇر»، «ناعىز ەركەككە كىمدى ەرتسە دە، نە ىستەسە دە جاراسادى»، «نە بوپتى؟ بارسا، ءوز كۇيەۋىنە باردى»، «ايەل ۇيدە تاقىمىن قىسىپ، شەلپەك ءپىسىرىپ، قۇران وقىتىپ جەڭىس تىلەپ وتىرسا، كەرەمەت بولار ەدى»، «جاساندى ءبارى، كورىنىپ تۇر»، «قىپ-قىزىل كيىنىپ الىپتى. جۇرتقا كورىنۋگە بارعانعا ۇقسايدى»، - دەپ جازعان ەكەن جەلىنىڭ كەي قولدانۋشىلارى.
