رەسپۋبليكالىق «جاس ورەن» كونكۋرسىنىڭ جەڭىمپازدارى ماراپاتتالدى
«ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ۇيىمداستىرىلعان بۇل جوبا وسىندا وتىرعان ءارقايسىڭىز ءۇشىن وتە ماڭىزدى، ەرەكشە. ويتكەنى، ول - بالالارىمىزعا جول اشاتىن، ۇلكەن ساحنانى قولجەتىمدى ەتەتىن جوبا. مەملەكەت باسشىسى جاريالعان بيىلعى بالالار جىلىندا بۇل جوبانىڭ باستى ماقساتى - بالالارعا ارنالعان وتاندىق شىعارمالاردى دارىپتەۋ، بالالار اندەرى مەن ولەڭدەرىنىڭ رەپەرتۋارىن تولىقتىرۋ. بالالار كومپوزيتورلارى مەن اقىنداردىڭ شىعارمالارىن بالاباقشالار مەن مەكتەپتەردە، مۋزىكا مەكەمەلەرىنە تاراتۋ ارقىلى ءبىز رۋحاني قۇندىلىقتارىمىزدى ناسيحاتتاي الامىز. وسى بايقاۋداعى شىعارمالاردى ەلىمىزدەگى بارلىق كىتاپحاناعا جەتكىزۋدى جوسپارلاپ وتىرمىز. وتانسۇيگىش سەزىمدى قالىپتاستىراتىن ونەر تۋىندىلارى ارقىلى ۇلتتىق رۋحانياتقا ۇلەس قوسقىسى كەلەتىن وتاندىق اۆتورلاردى قولداۋدىڭ ماڭىزى ءبارىمىز ءۇشىن وتە زور»، - دەدى سالتاناتتى شارا بارىسىندا ءسوز سويلەگەن ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى سالتانات تۇرسىنبەكوۆا.
ونىڭ اتاپ وتۋىنشە، بايقاۋعا قاتىسۋشىلار ءۇشىن جاس ەرەكشەلىك پەن بىلىكتىلىككە شەكتەۋ قويىلماعان.
ونلاين فورماتتاعى پلاتفورمادا وتكەن بايقاۋعا مەكتەپ وقۋشىلارىنان باستاپ، اعا بۋىن وكىلدەرى دە بايقاۋعا قاتىسقان.
بايقاۋعا ۇسىنىلعان 204 شىعارمانىڭ 133 ءى پوەزيا، 71 ءى ءان جانرىندا بولعان.
بايقاۋدىڭ قازىلار القاسىنا ەڭبەك سىڭىرگەن مادەنيەت پەن ونەر قايراتكەرلەرى، مەملەكەتتىك ۇيىم وكىلدەرى كىرگەن.
«جاس ورەن» رەسپۋبليكالىق كونكۋرسىنىڭ جەڭىمپازدارى:
گران-پري
دەحگاني ەلميرا يساحان قىزى - قۇرمانعازى اتىنداعى الماتى مەملەكەتتىك كونسەرۆاتورياسى حور ديريجەرلەۋ ءبولىمىنىڭ تۇلەگى. «تانداۋ» كومپانياسىندا مۋزىكالىق پروديۋسەر، كومپوزيتور (الماتى قالاسى)
«بالالارعا ارنالعان ءان» نوميناتسياسى
I ورىن
ءابدىنۇروۆ ءالىبي - قازاق ۇلتتىق ونەر ۋنيۆەرسيتەتى كومپوزيتسيا كافەدراسىنىڭ اعا وقىتۋشىسى. قازاقستان جاستار وداعىنىڭ «سەرپەر» (2009)، ق ر «دارىن» مەملەكەتتىك جاستار سىيلىقتارىنىڭ لاۋرەاتى. كومپوزيتور، ديريجەر، مۋزىكاتانۋشى (استانا قالاسى).
II ورىن
رىسپانبەتوۆ سامات باقىتجان ۇلى - الماتى قالاسىنداعى چايكوۆسكي اتىنداعى مۋزىكالىق كوللەدجگە «ساكسوفونشى» ماماندىعى جانە ت. جۇرگەنوۆ اتىنداعى ونەر اكادەمياسىن بىتىرگەن.
سازگەرلىكپەن قاتار، كاسىبي تۇردە ارانجيروۆكا جاساۋمەن اينالىسادى. «نۇر-مۇقاسان» توبى قۇرعان Style BR توبىندا ونەر كورسەتكەن، 2013-جىلدان بەرى جەكە ءانشى رەتىندە جۇمىس ىستەۋدە (الماتى قالاسى).
بەكجان قايرات ۇلى - «باقجۇلدىز» مەديا ورتالىعىنىڭ ۆوكال ءبولىمىنىڭ ۇستازى (جەتىسۋ وبلىسى، تالدىقورعان قالاسى).
III ورىن
ەسەبايەۆ باۋىرجان ارالبەك ۇلى - قوجا احمەت ياسساۋي اتىنداعى قازاق تۇرىك مەملەكەتتىك ۋنيۆەرسيتەتى زاڭ فاكۋلتەتىنىڭ تۇلەگى. قازاقستان رەسپۋبليكاسىنىڭ مادەنيەت قايراتكەرى، «قۇرمەت» وردەنىنىڭ يەگەرى، اقىن، سازگەر، پروديۋسەر (الماتى وبلىسى، جامبىل اۋدانى).
دوسپاي نۇريسلام مارلەن ۇلى - قازاق ۇلتتىق ونەر ۋنيۆەرسيتەتى مەكتەبى، 9-سىنىپ. كلاسس - ترۋبا (استانا قالاسى).
«بالالار پوەزياسى» نوميناتسياسى
I ورىن
بايبۇلانوۆا جادىرا - «حابار24» ارناسى باعدارلامالار ءبولىمىنىڭ اعا رەداكتورى (استانا قالاسى).
II ورىن
حاسانوۆ سەرىكبول تىلەپبەرگەن ۇلى - قازاقستان جازۋشىلار وداعىنىڭ مۇشەسى، رەسپۋبليكالىق «مۇنارا» گازەتىنىڭ باس رەداكتورى (استانا قالاسى).
تىلەۋبەرگەنوۆ دوستىق جاقسىباي ۇلى - 1984-1987-جىلدارى شىمكەنت قالاسىنىڭ ءا. قاستەيەۆ اتىنداعى كوركەمسۋرەت ۋچيليشەسىندە وقىپ، اتالعان وقۋ ورنىنىڭ جولداماسى بويىنشا جەزقازعان قالاسىنداعى قۋىرشاق تەاترىندا 1995-جىلدارعا دەيىن ەڭبەك ەتكەن. قازاقستان جازۋشىلار وداعىنىڭ مۇشەسى (قىزىلوردا وبلىسى، قارماقشى اۋدانى، ءدۇر وڭعار اۋىلى).
III ورىن
ءالىمجانوۆ بايانعالي توقان ۇلى - اقىن، جازۋشى، دراماتۋرگ، ايتىس اقىنى، جىرشى-جىراۋ، ماناسشى، كينورەجيسسەر، سەناريشى، اكتەر، سىنشى، ساتيريك، ادەبيەت پەن ونەر زەرتەۋشىسى، اۋدارماشى، بالالار اقىنى جانە بالالار جازۋشىسى، قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن. (اقمولا وبلىسى)
III ورىن
بەردالى ءنازيرا - ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتى جۋرناليستيكا فاكۋلتەتىنىڭ تۇلەگى. قازاقستان جازۋشىلار وداعىنىڭ مۇشەسى، «اباي-ت ۆ» تەلەارناسىندا «سارا ءسوز» باعدارلاماسىنىڭ جۇرگىزۋشىسى (استانا قالاسى).
