شوتتى بۇعاتتان شىعارۋ جانە جەكە تۇلعالاردىڭ سالىقتارى بويىنشا جەدەل كومەك كورسەتۋ قىزمەتى قوسىلدى
بۇل تۋرالى قازاقپارات قارجى مينيسترلىگى مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
باسپاءسوز قىزمەتىنىڭ مالىمەتتەرىنە قاراعاندا، 2022 -جىلدىڭ 7-جەلتوقسانىنان باستاپ قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ «Salyqbot» Telegram-كانالىندا سالىق تولەۋشىلەرگە جەدەل كومەكتىڭ ەكى قىزمەتى ىسكە قوسىلدى: «شوتتى بۇعاتتان شىعارۋ» جانە «جەكە تۇلعالاردىڭ سالىقتارى بويىنشا كومەك».
بۇل قىزمەتتەر «ءبىر رەت باسۋ» ارقىلى بانكتىك شوتتار بويىنشا بۇعاتتاۋ سەبەپتەرىن انىقتاۋ ءۇشىن ءوتىنىم جىبەرۋگە نەمەسە مۇلىك سالىعى، جەر سالىعى، كولىك قۇرالدارى سالىعى بويىنشا كومەك الۋعا مۇمكىندىك بەرەدى.
كورسەتىلگەن قىزمەتتەر بويىنشا «Salyqbot» پايدالانۋشىلارىنا سۇراۋ جىبەرۋ ءۇشىن ءوڭىردى (وبلىستى/قالانى) كورسەتۋ جەتكىلىكتى، سودان كەيىن 24 ساعات ىشىندە مەملەكەتتىك كىرىستەر ورگاندارىنىڭ قىزمەتكەرى ەگجەي- تەگجەيلى اقپارات بەرۋ ءۇشىن سالىق تولەۋشىمەن بايلانىسادى.
بۇل قىزمەتتەرگە كىرۋ ءۇشىن «شوتتى بۇعاتتان شىعارۋ»، «جەكە تۇلعالاردىڭ سالىقتارى بويىنشا كومەك» سىلتەمەلەرىنە ءوتۋ قاجەت.
نەمەسە اۆتوماتتى تۇردە «Salyqbot» قوسىمشاسىنا اۋدارىلاتىن QR كودتى پايدالانۋ جەتكىلىكتى. تەلەفون كامەراسىن نەمەسە كەز- كەلگەن براۋزەردىڭ كامەراسىن (Google, Yandex جانە ت. ب. ) QR كودقا باعىتتاڭىز.
وسىلايشا، سالىق تولەۋشىلەردىڭ مەملەكەتتىك كىرىستەر ورگاندارىمەن بايلانىسىنىڭ تاعى ءبىر ارناسى پايدا بولدى. ەندى اقپاراتتى 1414 (3) بايلانىس ورتالىعىنا قوڭىراۋ شالۋ ارقىلى نەمەسە مەملەكەتتىك كىرىستەر ورگاندارىنا بارۋ ارقىلى عانا ەمەس، سونىمەن قاتار ونلاين سىلتەمەلەر مەن QR كودى ارقىلى وڭاي جانە قاراپايىم تۇردە الا الاسىز.
