استانادا وقۋشىلار اراسىندا رەسپۋبليكالىق دەبات ءتۋرنيرى باستالدى

ءىس- شارا قازاقستاننىڭ تاۋەلسىزدىك كۇنىنە ورايلاستىرىلعان، دەپ حابارلايدى قازاقپارات.

جارىسقا ەلىمىزدىڭ بارلىق ايماعىنان وبلىستىق تۋرنيرلەردىڭ 100 دەن استام جەڭىمپازى قاتىسىپ جاتىر.

«ەلىمىزدەگى ءبىلىم وردالارىندا دەبات قوزعالىسى بەلسەندى دامىپ كەلەدى. بۇگىنگى كۇنى 6 مىڭعا جۋىق دەبات كلۋبى بار، ولارعا 100 مىڭنان استام وقۋشى بارادى. بۇل وقۋشىلاردىڭ پىكىرسايىسقا دەگەن ۇلكەن قىزىعۋشىلىعىن ايعاقتايدى. پىكىرتالاس بالالاردىڭ ءوز ۇستانىمدارىن دالەلدەۋگە، قۇقىقتىق مادەنيەتىن، ازاماتتىق بەلسەندىلىگىن ارتتىرۋعا كومەكتەسەدى. شىعارماشىلىق جانە سىني ويلاۋ، توپپەن جۇمىس ىستەۋ قابىلەتىن دامىتادى. تۋرنير قورىتىندىسى بويىنشا ەل مەكتەپتەرىنىڭ ۇزدىك وراتورى (پىكىرسايىسشى) انىقتالادى. دەبات - «وقۋعا قۇشتار مەكتەپ»، مەكتەپ پارلامەنتتەرى، شاحمات جانە روبوتوتەحنيكا سياقتى مينيسترلىك جۇزەگە اسىراتىن باسىم جوبالاردىڭ ءبىرى»، - دەيدى ق ر وقۋ- اعارتۋ مينيسترلىگى رەسپۋبليكالىق قوسىمشا ءبىلىم وقۋ- ادىستەمەلىك ورتالىعىنىڭ ديرەكتورى رايسا شەر.

رەسپۋبليكالىق دەبات ءتۋرنيرىنىڭ جەڭىمپازدارى I، II، III دارەجەلى ديپلومدارمەن جانە باعالى سىيلىقتارمەن، ۇزدىك سپيكەرلەر ديپلومدارمەن، ال كوماندا جاتتىقتىرۋشىلارى العىس حاتتارمەن ماراپاتتالادى.

ءتۋرنيردىڭ بارلىق قاتىسۋشىسىنا سەرتيفيكات بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى