ينجەنەرلىك- تەحنيكالىق ماماندار ءۇشىن«بولاشاق» ستيپەندياسىنا جەڭىلدىكتەر جاسالادى
ءباسپاسوز قىزمەتىنىڭ مالىمەتتەرىنە قاراعاندا، 2023 -جىلدان باستاپ ينجەنەرلىك- تەحنيكالىق قىزمەتكەرلەر مەن مەديتسينا ماماندارى جەڭىلدەتىلگەن شارتتارمەن «بولاشاق» حالىقارالىق ستيپەندياسىنىڭ كونكۋرستىق ىرىكتەۋىنە قاتىسا الادى.
«مەملەكەت باسشىسىنىڭ تاپسىرماسى بويىنشا ينجەنەرلىك- تەحنيكالىق كادرلاردى دايارلاۋعا باسىمدىق بەرىلەدى. ۇمىتكەرلەردى قولداۋ ءۇشىن «ينجەنەرلىك- تەحنيكالىق قىزمەتكەرلەر» جاڭا جەڭىلدىك ساناتى ەنگىزىلدى. سونىمەن قاتار ءبىزدىڭ باستامامىزبەن مەديتسينا قىزمەتكەرلەرىن ىرىكتەۋ قاعيدالارى جەتىلدىرىلدى. اتالعان وزگەرتۋلەردىڭ ارقاسىندا قازاقستاندىق دارىگەرلەر مەن تەحنيكالىق قىزمەتكەرلەر مەرزىمى 12 ايعا دەيىنگى تەگىن تىلدىك دايىندىقتان وتە الادى»، - دەپ اتاپ ءوتتى «حالىقارالىق باعدارلامالار ورتالىعى» ا ق باسقارما ءتوراعاسى ءانۋار جانعوزين.
سونىمەن بىرگە جەڭىلدىگى بار ۇمىتكەرلەر قۇجات تاپسىرعان كەزدە شەتەلدىك جوعارعى وقۋ ورنىنا ءوز بەتىمەن تۇسۋگە مىندەتتى ەمەس. ولاردىڭ ستيپەنديا تاعايىندالعاننان كەيىن باعدارلاما اياسىندا ءبىلىم الۋعا ۇسىنىلاتىن ۋنيۆەرسيتەتتەر تىزىمىنەن وقۋ ورنىن تاڭداۋعا مۇمكىندىگى بار.
ەستەرىڭىزگە سالا كەتەيىك، «بولاشاق» ستيپەندياسىن تاعايىنداۋ كونكۋرسىنا جەڭىلدىگى بار كانديداتتاردى قوسپاعاندا، ۇزدىك شەتەلدىك ج و و- لاردان شاقىرۋى بار ۇمىتكەرلەر عانا قاتىسادى.
«بولاشاق» ستيپەندياسىن تاعايىنداۋ كونكۋرسىنا جەڭىلدىكپەن قاتىسۋ ءۇشىن ۇمىتكەر ديپلومىنىڭ ورتاشا بالى - GPA كەمىندە 4.0 تەن 3.0 بولۋ ءتيىس. سونداي- اق كەمىندە ۆ1 دەڭگەيدەگى مەملەكەتىك تىلدەن كازتەست سەرتيفيكاتى جانە شەت ءتىلىن مەڭگەرۋدىڭ ورتاشا دەڭگەيىن راستايتىن قۇجات تالاپ ەتىلەدى. ماسەلەن، اعىلشىن تىلىندە وقىعان جاعدايدا، كەمىندە 9.0 دان 5.0 دەڭگەيدەگى IELTS سەرتيفيكاتىن، قىتاي تىلىندە - كەمىندە 6 دان 3 دەڭگەيدەگى HSK، نەمىس تىلىندە - C1-دەن B1-B2 دەڭگەيدەگى Goethe-Zertifikat جانە ت. ب. ۇسىنۋ قاجەت.
ايتا كەتەيىك، «بولاشاق» باعدارلاماسىنىڭ شارتتارى بويىنشا مەملەكەت ستۋدەنتتەرگە وقۋ، ەكى جاققا ۇشۋ، مەديتسينالىق ساقتاندىرۋ، ۆيزالىق الىمدار مەن وقۋ ماتەريالدارىنا شىعىنداردى وتەيدى. وعان قوسا اي سايىن ستيپەنديا تولەنەدى.
