ەلورداعا ىرگەلەس اۋىل تۇرعىندارى سۋمەن قاشان قامتىلادى
«بۇگىنگى تاڭدا 34 ەلدى مەكەننىڭ ىشىندە ەلوردالىق ايماققا قارايتىن 27 ەلدى مەكەن ورتالىقتاندىرىلعان سۋمەن قامتاماسىز ەتىلگەن. قالعان 7 اۋىل بويىنشا ورتالىقتاندىرىلعان سۋمەن قامتاماسىز ەتۋ ماقساتىندا جۇمىستار جۇرگىزىلۋدە. تالاپكەر جانە قاجىمۇقان اۋىلدارىندا سۋدى تاراتۋ جەلىلەرى سالىندى. ولاردى كەنجەباي جانە راحىمجانساي جەر استى سۋلارى كەن ورنىنان سۋ قۇبىرىنا قوسۋ (ماگيسترالدىق سۋ قۇبىرىن سالۋدى باستاۋ 2023 -جىلعا جوسپارلانعان) جوسپارلانۋدا»، - دەپ اتاپ وتەدى ۇكىمەت باسشىسى جاۋابىندا.
سونىمەن قاتار، پرەمەر- مينيستر اتالعان ەلدى مەكەندەردە حالىقتى سۋمەن جابدىقتاۋ سۋدى تازارتۋدىڭ كەشەندى مودۋلدەرى ارقىلى جۇزەگە اسىرىلاتىندىعىن اتاپ وتەدى.
«2023 -جىلى سەلينوگراد اۋدانىنىڭ تايتوبە جانە توڭكەرىس اۋىلدارىندا سۋمەن جابدىقتاۋ جوبالارىن اياقتاۋ جانە شورتاندى اۋدانىنىڭ كليۋچي اۋىلىندا قۇرىلىس- مونتاج جۇمىستارىن باستاۋ جوسپارلانعان. سونداي- اق، 2023 -جىلى سەلينوگراد اۋدانى قىزىلسۋات جانە اققايىڭ اۋىلدارىن سۋمەن جابدىقتاۋ بويىنشا جوبالاۋ- سمەتالىق قۇجاتتامانى ازىرلەۋدى اياقتاۋ جوسپارلانىپ وتىر»، - دەدى ءاليحان سمايىلوۆ.
اۆتور
مارلان جيەمباي
