الەمدەگى ەڭ قاۋىپتى جانە قاۋىپسىز ەلدەر ءتىزىمى جاريالاندى

The Swiftest زەرتتەۋ توبى كومپانياسى الەم ەلدەرىنىڭ قاۋىپسىزدىك دەڭگەيىن سارالاپ، ء«قاۋىپسىز ساياحات يندەكسىن» شىعاردى، - دەپ حابارلايدى Kaz.tengritravel.kz ءتىلشىسى كومپانيا باسپا ءسوز قىزمەتىنە سىلتەمە جاساپ.

«قاۋىپسىز ساياحات يندەكسى» مىناداي فاكتورلارعا بايلانىستى شىعارىلدى:

100000 ادامعا كىسى ءولتىرۋ سانى؛

100000 ادامعا جول-كولىك وقيعاسى سالدارىنان ءولىم دەڭگەيى؛

100000 ادامعا قاساقانا ەمەس ۋلانۋدان قايتىس بولۋ دەڭگەيى؛

100000 ادامعا سانيتارلىق جاعدايدىڭ تومەن بولۋىنان، تازا ەمەس سۋ جانە قاجەتتى گيگيەنانىڭ جوقتىعىنان قايتىس بولۋ دەڭگەيى؛

100000 ادامعا جۇقپالى اۋرۋلاردىڭ سالدارىنان جوعالتقان جىلدار سانى؛

100000 مىڭ ادامعا مۇمكىندىگى شەكتەۋلى جانداردى قوسا ەسەپتەگەندە جاراقات الىپ، جىلدار بويى ەمدەلۋ؛

تابيعي اپات تاۋەكەلدەرى (0-50 ۇپاي)

قاۋىپسىز ەلدەر تىزىمىندە سينگاپۋر كوش باستادى. كىسى ءولتىرۋ، جول- كولىك وقيعاسى نەمەسە تابيعي اپات مۇندا مۇلدە جوق دەسە دە بولادى. بۇل ەلدە قىلمىس دەڭگەيى باسقا ەلدەرمەن سالىستىرعاندا وتە تومەن. سينگاپۋردا پوليتسەيلەر وتە كوپ جانە قىلمىس ءۇشىن قاتاڭ جازالايدى.

ۇزدىك وندىقتىڭ ءتىزىمى مىناداي:

سينگاپۋر

دانيا

نيدەرلاندى

شۆەيتساريا

يزرايل

شۆەتسيا

اۆستريا

يرلانديا

يتاليا

گەرمانيا

ەڭ قاۋىپتى ەلدەر:

وڭتۇستىك افريكا

ءۇندىستان

دومينيكان رەسپۋبليكاسى

مەكسيكا

برازيليا

كامبودجا

فيليپپينى

ساۋد ارابياسى

ۆەتنام

يندونەزيا

قاۋىپسىز جانە قاۋىپتى ەلدەر تىزىمىندە 50 ەل بار، الايدا بۇل رەيتينگتە قازاقستان جوق. الايدا كورشىلەس وزبەكستان مەن قىرعىزستان وسى رەيتينگتىڭ ءدال ورتاسىندا تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى