اۋىل حالقىنىڭ تابىسىن ارتتىرۋ جونىندەگى جوبا بۇكىل قازاقستان بويىنشا ەنگىزىلەدى – ق ر ا ش م
باسپا ءسوز قىزمەتىنىڭ مالىمەتتەرىنە قاراعاندا، 2023 -جىلدان باستاپ اۋىل حالقىنىڭ تابىسىن ارتتىرۋ جونىندەگى جوبانى كەڭەيتۋ شەڭبەرىندە قازاقستاندىقتاردىڭ ءتيىمدى شارتتارمەن شاعىن نەسيە الۋ مۇمكىندىگى بولادى.
اۋىلدىق ەلدى مەكەندەر مەن شاعىن قالالاردىڭ تۇرعىندارى بيزنەس اشۋعا جانە جۇمىس ىستەپ تۇرعان بيزنەستى كەڭەيتۋگە شاعىن نەسيەلەر الا الادى.
سىياقىنىڭ نومينالدى مولشەرلەمەسى جىلدىق %2,5، مەرزىمى 7 جىلدان اسپايتىن، كەپىلمەن قامتاماسىز ەتىلگەن. نەسيەنىڭ ەڭ جوعارى سوماسى - 2,5 مىڭ ا ە ك نەمەسە شامامەن 7,9 ميلليون تەڭگە، ءىرى كووپەراتسيانى دامىتۋ ءۇشىن - 8 مىڭ ا ە ك نەمەسە شامامەن 25,4 ميلليون تەڭگە. نەسيە قاراجاتىن بەرۋ وپەراتورلارىن وبلىستاردىڭ جەرگىلىكتى جەرلەردەگى اكىمدىكتەرى مەملەكەتتىك ساتىپ الۋدى وتكىزۋ ارقىلى ايقىندايدى.
ۇيىمداستىرۋشىلىق جۇمىسىن ەسكەرە وتىرىپ، العاشقى ميكرونەسيەلەر 2023 -جىلدىڭ ءبىرىنشى توقسانىنىڭ سوڭىندا بەرىلە باستايدى دەپ كۇتىلىپ وتىر.
ايتا كەتەيىك، اۋىل حالقىنىڭ تابىسىن ارتتىرۋ بويىنشا پيلوتتىق جوبا العاش رەت 2019 -جىلى جامبىل وبلىسىندا باستالدى. مەملەكەت باسشىسى ۇكىمەتتىڭ كەڭەيتىلگەن وتىرىسىندا بۇل باعدارلامانى بۇكىل قازاقستان بويىنشا ماسشتابتاۋدى تاپسىردى.
2023 -جىلى جوبانى ىسكە اسىرۋ ءۇشىن رەسپۋبليكالىق بيۋدجەتتەن 11 مىڭنان استام شاعىن قارىز بەرۋ جوسپارىمەن 52,4 ميلليون تەڭگە ءبولۋ كوزدەلىپ وتىر.
