مۇز بوپ قاتقان كاسپي اۋەدەن ۆيدەوعا ءتۇسىرىلدى
روليك درون كومەگىمەن بيىكتەن تۇسىرىلگەن.
«بۇل انتاركتيدا ەمەس، بۇل ءبىزدىڭ كاسپي»، - دەپ جازدى اۆتور ۆيدەو سيپاتتاماسىندا. سونداي-اق، ول ءتۇسىرىلىم قۇلالى ارالىندا جۇرگىزىلگەنى ايتىلعان.
قۇلالى - كاسپيي تەڭىزىنىڭ سولتۇستىك- شىعىس بولىگىندەگى دوعاشا يىلگەن ارال. ءيتبالىقتار ارالدارىنىڭ قۇرامىنا كىرەدى. كاسپيدىڭ شىعىس جاعاسىنداعى ءتۇپقاراعان ءمۇيىسىنىڭ سولتۇستىك- باتىسىندا 22 شاقىرىم جەردە، ۇزىندىعى 39 شاقىرىم، ەنى 2 شاقىرىم، اۋدانى 38 شارشى شاقىرىم. ارالدىڭ جەر بەدەرى الاسا كەلگەن، ورتا بولىگىنىڭ باتىس جاعالاۋى قۇم توبەلى. وسىمدىگى سيرەك. سولتۇستىگىندە قازاق گيدرومەتەورولوگيالىق باسقارماسىنىڭ مەتەورولوگيالىق ستانسياسى بار.
