قازاقستاننىڭ ۇزدىك تەننيس باپكەرلەرى ماراپاتتالدى

قازاقستان تەننيس فەدەراتسياسىنان ءمالىم ەتكەنىندەي، جەڭىمپازدار عانا ەمەس، ارنايى اتالىمدارعا يە بولعاندار دا اتالىپ ءوتىلدى.

10 جانە ودان كىشىلەر ساناتى بويىنشا ۇزدىك باپكەر - اندرەي ۆان (Smash تەننيس ورتالىعى، وسكەمەن).

12 جانە ودان كىشىلەر ساناتى بويىنشا - امال سۇلتانبەكوۆ (Gorky Tennis Park، الماتى).

14 جانە ودان كىشىلەر ساناتى بويىنشا - مۇحامادامين ەرماتوۆ (Beeline Arena, استانا).

18 جانە ودان كىشىلەر ساناتى بويىنشا - «قازاقمىس» تەننيس كلۋبى (الماتى).

ۆياچەسلاۆ سوكولوۆسكيي («ەيس» تەننيس ورتالىعى، الماتى) مەن وتكىر ابدۋللايەۆ («ەيس»، اقتوبە) 2022-جىلدىڭ ۇزدىك اعا باپكەرى اتاندى.

سونداي-اق Team Kazakhstan اكادەمياسىنىڭ باپكەرى سەرگەي كۆاك العىسحاتپەن جانە ەسكەرتكىش سىيلىقپەن ماراپاتتالدى. ونىڭ باسشىلىعىمەن 14 جاسقا دەيىنگى جاس وسپىرىمدەر قۇراماسى العاش رەت الەم چەمپيوناتىنىڭ ۇزدىك تورتتىگىنە كىردى.

ارباداعى پاراليمپيالىق تەننيستەن جاسۇلان النيازوۆ جىل باپكەرى بولسا، وسى سپورت ءتۇرىنىڭ دامۋىنا ۇلەس قوسقان ەرجان يساقوۆ پەن نابيجون ياكوبوۆيچ ۇمىت قالمادى.

بيىلدان باستاپ قازاقستان تەننيس فەدەراتسياسى ەلىمىزدە ارباداعى جانە اداپتيۆتىك تەننيستى كەڭىنەن تاراتىپ، دامىتۋدى قولعا الدى. الماتى قالاسىندا قىركۇيەك ايىندا پاراليمپيالىق تەننيستەن العاش رەت ەل چەمپيوناتى ءوتتى. دەمەۋشىلەر ەسەبىنەن وسى بىرىنشىلىكتىڭ جەڭىمپاز- جۇلدەگەرلەرى الداعى جىل بويى 200 مىڭ، 150 مىڭ جانە 100 مىڭ تەڭگە كولەمىندە ستيپەنديا الاتىن بولدى.

ەسكە سالا كەتەيىك، بۇدان بۇرىن ۇستەل تەننيسىنەن الان قۇرمانعاليەۆتىڭ الەم چەمپيوناتىندا التىنعا قوسا قولا مەدال جەڭىپ العانىن جازعان بولاتىنبىز.

سونداي-اق ەلەنا رىباكينا الەمدىك رەيتينگىدە توپ-20 تەننيسشىگە جۋىقتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى