قاراعاندىدا ەر ادام ءوزىن ءوزى ورتەپ جىبەرمەك بولدى

12-جەلتوقسان كۇنى قاراعاندى وبلىستىق پوليتسيا دەپارتامەنتىنىڭ الدىندا قالا تۇرعىنى قولىنا جانارماي قۇيىلعان قۇتى الىپ، ءوزىن- ءوزى ورتەپ جىبەرەمىن دەپ قورقىتقان. ءتارتىپ بۇزۋشىمەن دەپارتامەنت باستىعىنىڭ ورىنباسارى كەلىسسوز جۇرگىزدى. ونىڭ زاڭسىز ارەكەتتەرىن توقتاتۋ تۋرالى تالاپتارىنا قالا تۇرعىنى كونبەي، وزىنە جانە اينالاسىنداعىلارعا قاۋىپ تۋدىرعان. وسىلايشا ەر ادام سوتتا قارالىپ جاتقان ازاماتتىق ءىستى شەشۋدى تالاپ ەتكەن.

«اعىمداعى جىلدىڭ اقپان ايىندا «جان دوس» قوعامدىق ۇيىمى قاراعاندى قالالىق پوليسيا باسقارماسىنا قاراستى پوليتسيا بولىمدەرىنىڭ اينالاسىن قورشاۋ بويىنشا تەندەر ۇتىپ العان. الايدا، قاراعاندى وبلىستىق پوليتسيا دەپارتامەنتىنىڭ ماماندارى تەكسەرۋ كەزىندە «جان دوس» قوعامدىق ۇيىمى وكىلدەرىنە جۇمىستىڭ ساپاسىز جاسالعاندىعىن كورسەتكەن. اتالعان دەرەك بويىنشا دەپارتامەنتتىڭ زاڭ ءبولىمى سوتقا ارىز بەرىپ، سوت ولارعا 30-قاراشاعا دەيىن كەمشىلىكتەردىڭ ورنىن تولتىرۋعا ۋاقىت بەرگەن. دەسە دە جاۋاپ بەرۋشى تاراپ كەمشىلىكتەردى مۇلدە جويماعان. سوندىقتان 6-جەلتوقسان كۇنى مەملەكەتتىك ساتىپ الۋ پورتالىندا مەملەكەتتىك ساتىپ الۋ تۋرالى زاڭنىڭ 12-بابى 4-تارماعى 3-تارماقشاسىنا سايكەس، جىبەرىلگەن كەمشىلىكتەرگە بايلانىستى بۇرىن جاسالعان كەلىسىم- شارت ءبىرجاقتى بۇزىلدى. كەلىسىم- شارتتى بۇزۋعا شارتتا كورسەتىلگەن مىندەتتەردى تيىسىنشە ورىنداماۋ سەبەپ بولعان»، - دەپ ءتۇسىندىردى قاراعاندى وبلىسىنىڭ پ د باسپا ءسوز قىزمەتىنەن.

قازىرگى تاڭدا اتالمىش ءىس بويىنشا ماتەريالدار سوتتىڭ قاراۋىندا جانە ونى قاراۋ 2022 -جىلدىڭ 14-جەلتوقسانىنا بەلگىلەنگەن.

ال بۇزاقىلىق ارەكەتكە بارعان ەر ادام وزىنە جانە اينالاسىنداعىلارعا زيان كەلتىرمەۋ ماقساتىندا ۇستالىپ، پوليسياعا جەتكىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى