جەڭىس قاسىمبەك كوماندالىق اۋىسۋ جايىندا: ەشكىمدى اكەلمەيمىن
بۇگىن مەملەكەت باسشىسى قاسىم- جومارت توقايەۆتىڭ توراعالىمەن وتكەن ۇكىمەتتىڭ كەڭەيتىلگەن وتىرىسىنان كەيىن با ق وكىلدەرى استانا اكىمىنەن «كوماندالىق اۋىسۋ بولا ما؟» دەپ سۇراعان ەدى.
«ەشكىمدى اكەلمەيمىن»، - دەپ قىسقا جاۋاپ بەردى جەڭىس قاسىمبەك. سونىمەن قاتار ول ل ر ت مەن قالانى گازداندىرۋ ماسەلەسىنە توقتالدى.
«الداعى ەكى- ءۇش جىلدا ل ر ت جوباسى اياقتالادى. ماسەلە قارجىلاندىرۋدا بولىپ تۇر. گازداندىرۋ قارقىنى توقتامايدى. قازىر جەكە سەكتورلاردىڭ بارىندە گازداندىرۋ جۇمىسى ءجۇرىپ جاتىر. تالدىكولگە قاتىستى ازىرگە ەشتەمە ايتا المايمىن. جۇمىسقا كىرىسكەنىمە ەكى- ءۇش كۇن بولدى. سوندىقتان، بەلگىلى ءبىر ۋاقىت وتكەن سوڭ جۋرناليستەرمەن كەزدەسەمىن، ءاربىر ماسەلە بويىنشا كەزدەسىپ، اقىلداسىپ وتىرامىن»، - دەدى قالا باسشىسى.
جەڭىس قاسىمبەك استانانىڭ پروبلەمالارىنا دا توقتالدى.
«پروبلەما كوپ. ناقتى بىرەۋىنەن باستاپ، جۇمىسقا كىرىسەمىن دەپ ايتا المايمىن. ولاردىڭ ءبارى ماڭىزدى. قازىر قالا بويىنشا 47 مىڭنان استام ادام تۇرعىن ءۇي كەزەگىندە تۇر. ونىڭ جارتىسى - كوپ بالالى وتباسىلار. سول كىسىلەردىڭ ماسەلەسىن شەشۋ قاجەت. كوممۋنالدىق جەلىلەردىڭ توزىعى بار، ونى شەشۋ كەرەك»، - دەدى قالا اكىمى.
