قازاقستان ازىق-تۇلىككە كوپ اقشا جۇمسايتىن ەلدەردىڭ كوشىن باستادى

ال ليۋكسەمبۋرگ بۇل تىزىمدە ەڭ سوڭعى بولىپ تۇر. بۇل تۋرالى ريا نوۆوستي زەرتتەۋىندە جازىلعان، - دەپ حابارلايدى Massaget.kz ءتىلشىسى.

ساراپشىلاردىڭ مالىمەتىنشە، ەۋروپا ەلدەرىنىڭ كوبىندە وتباسىلىق بيۋدجەتتىڭ نەگىزگى شىعىندارىنىڭ ءبىرى ازىق- تۇلىككە جۇمسالادى. شىعىن كولەمى ءومىر ءسۇرۋ جاعدايىنا قاراي ءار ەلدە ءارتۇرلى.

تاماق ءۇشىن ەڭ از اقشا بولەتىن ليۋكسەمبۋرگ تۇرعىندارى بولىپ شىقتى. ولار تاماق ءۇشىن شىعىندارىنىڭ 8,4 پايىزىن عانا جۇمسايدى ەكەن. سودان كەيىن 10,6 پايىزبەن نيدەرلاندى جانە ۇلى بريتانيا تۇر. سونداي-اق يرلانديا، گەرمانيا، فينليانديا، اۋستريا جانە نورۆەگيا تۇرعىندارى وتباسىلىق شىعىننىڭ 12 پايىزىن تاماققا جۇمسايدى. ساراپشىلار از اقشا بولەتىن ەلدەردىڭ كوشىن باتىس ەۋروپانىڭ ەكونوميكاسى دامىعان مەملەكەتتەرى باستايدى دەپ توپشىلادى.

ال تاماق ءۇشىن كوپ اقشا جۇمسايتىن ەلدەردىڭ ەڭ كوبى بۇرىنعى ك س ر و مەن شىعىس ەۋروپا مەملەكەتتەرى بولىپ شىقتى. رەيتينگتەگى بارلىق ەلدىڭ ىشىندە سوڭعى ورىندا قازاقستان تۇر. قازاقستاندىقتار تابىسىنىڭ 53 پايىزىنا تاماق الۋعا شىعىندالادى ەكەن.

ۋكراينا جانە مولدوۆا تۇرعىندارى دا وتباسى تابىسىنىڭ 40 تان اسا پايىزىن ازىق-تۇلىككە جۇمسايتىن بولىپ شىقتى.

ال مولدوۆا، سولتۇستىك ماكەدونيا، بەلارۋس جانە بولگاريا تۇرعىندارى تابىستارىنىڭ 35 پايىزدان استامى ازىق-تۇلىككە جۇمسايتىن ەلدەر قاتارىندا.

رەسەي رەيتينگتە 31-ورىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى