قازاقستانداعى تيك توك: بيىلعى جىلدىڭ ۇزدىكتەرى اتالدى

TikTok-تىڭ قازاقستانداعى وكىلدەرى بيىل ەڭ كوپ قارالىم جيناعان ۆيدەوروليكتەردى ىرىكتەدى. ولاردىڭ اراسىندا الماتىلىق سۋرەتشى اسەل سابىرجان قىزىنىڭ سوزدەردەن ابايدىڭ پورترەتىن سالعان ۆيدەوسى مەن ەلەنا زولوتۋحينانىڭ تۋرنيكتە ورىنداعىن تريۋكتەرى بار. سونىمەن قاتار جاس دومبىراشىلاردىڭ اتاقتى «اداي» كۇيىن ورىنداعان بەينەروليگى ەڭ كوپ قارالىم جيناعان. ال الماتىلىق حيميا ءپانىنىڭ ءمۇعالىمى ۇلان ۇسەنوۆتىڭ ءبىلىم بەرۋ باعىتىنداعى كرەاتيۆتى ۆيدەولارى جىل جاڭالىعىنا اينالدى. سونداي- اق ول بىلتىر «قازاقستاننىڭ 100 جاڭا ەسىمى» جوباسىنىڭ جەڭىمپازى اتانعان بولاتىن.

«ءبىز ۇستازدار كۇنىنە وراي ق ر وقۋ- اعارتۋ مينيسترلىگىنىڭ قولداۋىمەن #قازاقستان مۇعالىمدەرى بايقاۋىن باستادىق. وندا ەلىمىزدىڭ تۇكپىر- تۇكپىرىندەگى ۇستازدار قىسقا بەينەروليكتەر ارقىلى ءبىلىمدى كرەاتيۆتى تۇردە جەتكىزۋگە تىرىسا ءبىلدى. قازىر حەشتەگ 110 ميلليوننان استام قارالىم جينادى.

سونداي- اق «KazakhTourism» كومپانياسىمەن بىرگە قولعا الىنعان قازاقستاندىقتاردى تۋعان ەلىندە دەمالۋعا جانە ساياحاتتاۋعا ۇندەۋ ماقساتىندا #TravelKazakhstan حەشتەگى قوسىلدى. كونتەنتتىڭ قارالىم سانى 20 ميلليوننان استى. بۇعان قوسا، پلاتفورما ق ر مادەنيەت جانە سپورت مينيسترلىگىمەن بىرلەسە وتىرىپ، بۇقارالىق سپورت پەن سالاۋاتتى ءومىر سالتىن ناسيحاتتاۋ ماقساتىندا #مەنچەمپيونمىن باستاماسىن جۇزەگە اسىردى»، - دەدى TikTok وپەراتسيالىق ءبولىمىنىڭ اعا مەنەدجەرى نادەجدا لاپينا.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى