قاراعاندى وبلىسىندا جىلىجاي ۇستايتىن كاسىپكەر كۇنىنە ءبىر توننا قيار جينايدى

باتىر دارمەنوۆ وزبەكستاندا دۇنيەگە كەلگەن. 2006 -جىلى قاراعاندىعا كوشىپ كەلىپ، «شىعىس» بازارىندا كوكونىس پەن جەمىسى ساتۋشى بولىپ جۇمىس ىستەي باستاعان. ۋاقىت وتە كەلە ول ءوز بيزنەسىن باستاۋ تۋرالى شەشىمگە كەلەدى.

«مەن ءوز- وزىمە جۇمىس ىستەگىم كەلدى. ينتەرنەتتەن جىلىجايدا كوكونىستەردى قالاي وسىرۋگە بولاتىنىن مەڭگەرە باستادىم، دوستارىمنان سۇرادىم. مەنىڭ دوستارىمنىڭ شىمكەنتتە جىلىجايلارى بار. ءبىراق، قاراعاندى وبلىسىنداعى اۋا رايىنىڭ قولايسىزدىعىنا قاراماستان، 2018 -جىلى وسى جەردە بيزنەس اشۋعا بەل بۋدىم»، - دەيدى باتىر دارمەنوۆ.

باستاپقىدا كاسىپكەر 2,25 گ ا جەردى جالعا العان. اگرارلىق نەسيە كورپوراتسياسى جوبانى قارجىلاندىردى. ال باتىر جەرگىلىكتى شارۋا قوجالىعىنان قارىز الدى. وسىلايشا جارتى گەكتارعا العاشقى جىلىجايدىڭ قۇرىلىسى باستالدى. بيزنەسىن جاڭا باستاعان كاسىپكەر ونى تامشىلاتىپ سۋارۋدىڭ اۆتوماتتى جۇيەسىمەن جابدىقتاپ، ەكى جىلىتۋ قازاندىعىن ورناتتى.

ونىمگە سۇرانىس جوعارى بولعاندىقتان باتىر ەكىنشى جىلىجايدى سالعان. تاعى دا نەسيە الۋعا تۋرا كەلدى. كوۆيدتىك شەكتەۋلەر كوپتەگەن قيىندىقتار اكەلدى. ءبىراق 100 سوتىققا جۋىق تاعى ءبىر جىلىجاي سالىندى. دەگەنمەن ول وسى جىلدىڭ باسىندا عانا ىسكە قوسىلدى.

«بۇگىن مەن تانتو سورتىنىڭ قيارىن ءوسىرۋ ءۇشىن گيدروپونيكا مەن مينەرالدى ءجۇندى دە قولدانامىن. تۇقىم ءتۇرىن دە كەزدەيسوق تاڭداعان جوقپىن. تانتو - ونىمدىلىگى جوعارى جانە ءدامى جاقسى ەرتە پىسەتىن گيبريد. 5-6 + گرادۋستا 20 كۇنگە دەيىن ساقتالادى. مەن ەڭ الدىمەن ادامدار ءۇشىن جۇمىس ىستەيمىن، سوندىقتان ولاردىڭ ۇستەلىنە جاقسى ساپالى ونىمدەر كەلەدى. مەن ەشتەڭەنى ۇنەمدەمەيمىن - سۋارۋعا دا، جىلىجايلاردا قاجەتتى كليمات قۇرۋعا بارىنشا قاراجات جۇمسايمىن»، - دەيدى كوكونىس ءوسىرۋشى.

جىلىجايلارداعى كوشەتتەر جىلىنا ەكى رەت وتىرعىزىلادى، ال ءونىم جىلىنا 8- 9 اي جينالادى. قىستا كۇنىنە ءبىر تونناعا دەيىن قيار جيناۋعا بولادى. جىلىجايلاردا ماۋسىمعا بايلانىستى 20 دان 25 ادامعا دەيىن جۇمىس ىستەيدى.

ءونىمنىڭ نەگىزگى بولىگى قاراعاندىدا كوتەرمە ساتىپ الۋشىلارعا ساتىلادى. ءبىراق كليەنتتەر استانا، پاۆلودار، پەتروپاۆل قالالارىنان دا كەلەدى.

«ەكى جىلىجايدا جىلىنا 400- 450 تونناعا دەيىن ءونىم جيناۋدى جوسپارلاپ وتىرمىز. ءبىراق بۇل جولى سۋىق وتە ەرتە ءتۇستى، سوندىقتان نە بولاتىنىن بىلمەيمىز. ەڭ باستىسى - جەر بار. جاڭا جىلىجايلار مەن كوشەتتەردى وسىرۋگە ارنالعان بولەك بولمە سالۋ جوسپارلانۋدا. قىزاناق وتىرعىزۋ يدەياسى بار، ءبىراق ءبارى قارجىعا كەپ تىرەلەدى. ازىرگە اياعىمىزعا مىقتاپ تۇرعىمىز كەلەدى»، - دەيدى باتىر دارمەنوۆ.

اۆتور

اگاتا مۋحامەدجانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى