جانقوش تۇراروۆ قارسىلاسىمەن كوز ارباستى

ەرتەڭ مەن جەڭىس ءۇشىن جۇدىرىقتاسامىن. كوڭىل-كۇي جاقسى. بەلبەۋدى ءوز وتانىمدا قالدىرعىم كەلەدى. ەشقانداي بولجام جوق. بۇل - سپورت، مۇندا ءبارى بولۋى مۇمكىن. ەرتەڭگى رينگتەگى كەزدەسۋ كورسەتەدى، - دەدى جانقوش تۇراروۆ باسپا ءسوز ءماسليحاتىندا.

ونىڭ قارسىلاسى لۋيس ەنريكە دە قازاقستانعا جەڭىس ءۇشىن جەتكەنىن مالىمدەدى. ايتا كەتەيىك، يسپانيالىق بوكسشى قازاقستانعا 8- جەلتوقسان كۇنى ۇشىپ كەلدى.

ەسكە سالايىق، 11- جەلتوقسان كۇنى كاسىپقوي بوكس شوۋىنىڭ باستى جەكپە-جەگى جەڭىلىپ كورمەگەن جانقوش تۇراروۆ (25-0، 18 كو) پەن ازۋلى لۋيس ەنريكە رومەرو (11-5-1، 7 ك و) اراسىندا وتەدى. قاۋىپتى ءارى اسا تارتىستى بولاتىن بۇل ايقاستا IBO Intercontinental چەمپيوندىق تيتۋلى باسكە تىگىلگەن.

لۋيس ەنريكە ءوزىنىڭ DAZN اياسىندا وتكەن سوڭعى جەكپە-جەگىندە مىقتى رۋمىندىق رينگ شەبەرىن نوكاۋتپەن جەڭىپ، الەمدىك Boxrec رەيتينگىندەگى توپ-60 بوكسشىنىڭ قاتارىنا كىردى.

كاسىپقوي بوكس كەشىن ايگىلى DAZN ستريمينگىلىك سەرۆيسى تىكەلەي ترانسلياتسيادا جاھاننىڭ 100 ميلليون اۋديتورياسىنا تاراتپاق. بۇل - ەل سپورتى تاريحىنداعى ەلەۋلى وقيعانىڭ ءبىرى ءارى بەدەلدى سپورت پلاتفورماسىنىڭ ەلىمىزدەگى العاشقى ءەفيرى.

بوكس كەشىندە ەلحان تابىنبايەۆ (5-0، 3 ك و) پەن برازيليالىق ماتەۋس دا سيلۆامەن (7-0، 3 ك و) جۇدىرىقتاسادى.

انگەلينا لۋكاس (2-0, 1 KO) وسى كەشتە تانزانيالىق مىنەزدى قىز لۋلۋ كاياگەمەن (8-8-4، 2 ك و) UBO چەمپيوندىق تيتتۋلىن ساراپقا سالادى.

بۇل بوكس كەشىنىڭ تورىندە ءاليحان تولەنبايەۆ (2-0، 1 ك و) پەن ادلان سەلمۋرزايەۆ (4-0، 3 ك و) سەكىلدى قىلىشتاي جارقىلداعان جاستار دا ونەرىن كورسەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى