مۇنايدىڭ الەمدىك باعاسى ارزانداۋدا - ۇلتتىق بانك سەبەپتەردى اتادى
ۇلتتىق بانكتىڭ تاراتقان حابارلاماسىنا قاراعاندا، وسى جىلدىڭ قاراشا ايىندا مۇناي نارىعىنداعى ديناميكا ءتۇرلى باعىتتا بولدى. قىتايدىڭ Zero Covid ساياساتىن ىقتيمال جەڭىلدەتۋدىڭ بەلگىلەرى، وپەك+ ءوندىرۋدى 500 مىڭ باررەلگە كوتەرۋدى قاراستىرۋ تۋرالى حابارى، ودان كەيىن رەسمي تۇلعالاردىڭ وسى جاڭالىقتى تەرىسكە شىعارۋى، رەسەي مۇنايى باعاسىنىڭ شەگىن بۇرىن كوزدەلگەننەن جوعارى دەڭگەيدە تالقىلاۋ ارتقان قۇبىلمالىققا اكەلدى. G7 ەلدەرى، اۆستراليا جانە ەۋرووداق رەسەيدەن كەلەتىن مۇناي باعاسىنىڭ شەگىن 60 اقش دوللارى دەڭگەيىندە كەلىستى، ول كۇشىنە 5 جەلتوقساندا ەندى. بۇدان باسقا، وسى كۇننەن باستاپ رەسەي مۇنايىن ە و- عا تەڭىز جولىمەن ەكسپورتتاۋعا تىيىم سالىندى. وسى جاعدايلاردا مۇناي قۇنى ءبىر ايدا 1 باررەل ءۇشىن 85,43 ا ق ش دوللارىنا دەيىن %9,9 عا تومەندەدى جانە 1 باررەل ءۇشىن 80 ا ق ش دوللارىنان تومەن ءتۇسىپ، جەلتوقساننىڭ باسىندا تەرىس ديناميكاسىن جالعاستىردى.
«رەسەي مۇنايىن ساتىپ الۋ باعاسى بويىنشا ءليميتتىڭ ءار ءتۇرلى سالدارى بار. ءبىر جاعىنان، باعا بويىنشا ديسكونت ەنگىزۋ مۇناي نارىعىنا كەرى اسەرىن تيگىزۋى مۇمكىن، ەكىنشى جاعىنان - ءوندىرىستى قىسقارتۋ بويىنشا رەسەيدىڭ ىقتيمال قارسى شارالارى باعا بەلگىلەۋدى ارتتىرۋعا ىقپال ەتەدى. ەكىنشى بەلگىسىزدىك - قىتايداعى كارانتيندىك شەكتەۋلەردى جەڭىلدەتۋگە قاتىستى. بۇل ەكونوميكالىق بەلسەندىلىكتى ارتتىرۋعا جانە الەمنىڭ ەكىنشى ءىرى ەكونوميكاسى تاراپىنان ەنەرگيا رەسۋرستارىنا سۇرانىستىڭ كەيىننەن وسۋىنە ىقپال ەتۋى مۇمكىن»، - دەپ بولجام جاسادى ۇلتتىق بانك.
Bloomberg- ءتىڭ مەدياندىق بولجامىنشا 2023-جىلعى 1-توقساننىڭ سوڭىنداعى مۇنايدىڭ 1 باررەلى 78 دوللاردان 92 دوللارعا دەيىن وسپەك.
ەسكە سالساق، جەلتوقساننىڭ باسىندا مۇنايدىڭ الەمدىك باعاسى جىل باسىنان بەرى العاش رەت 80 دوللاردان تومەن ءتۇستى. بۇعان دەيىن دە ۇلتتىق بانك 2025-جىلعا قاراي مۇناي باعاسى قازىرگىدەن تومەن بولاتىنىن بولجادى.
