ەۋروپارلامەنت ۆيتسە-پرەزيدەنتى جەمقورلىق ءىسى بويىنشا ۇستالدى

ولار پارسى شىعاناعىنداعى ەلدەردىڭ ءبىرى ەۋروپارلامەنتتە ءوز ىقپالىن «ساتىپ الۋىنا» بايلانىستى جەمقورلىق ءىسى تۋرالى تەرگەۋ اياسىندا تۇتقىندالدى، دەپ حابارلايدى قازاقپارات Euronews-كە سىلتەمە جاساپ.

تەرگەۋشىلەر ناقتى ەلدى اتاپ وتكەن جوق. الايدا، بەلگيالىق ب ا ق، اتاپ ايتقاندا Le Soir گازەتى دەرەككوزگە سىلتەمە جاساي وتىرىپ، قازىر فۋتبولدان الەم چەمپيوناتىن وتكىزىپ جاتقان كاتار ەكەنىن حابارلادى.

رەسمي اتى اتالماعان ەل لاۋازىمدى تۇلعالارعا پارا بەرىپ، ەۋروپارلامەنتتە ءوز مۇددەسىن كوتەرگەن.

جۇما كۇنى بريۋسسەلدە جۇرگىزىلگەن 16 ءتىنتۋ جۇمىسى بارىسىندا پوليتسيا كومپيۋتەرلەر، ۇيالى تەلەفوندار مەن 600 مىڭ ەۋرو قاعاز اقشا تاركىلەگەن. ۇستالۋشىلار اراسىندا يتاليادان سايلانعان بۇرىنعى دەپۋتات، حالىقارالىق كاسىپوداق كونفەدەراتسياسىنىڭ باسشىسى، ۇ ە ۇ ديرەكتورى مەن دەپۋتاتتاردىڭ ءبىرىنىڭ كومەكشىسى بار. بەلگيا قۇقىق قورعاۋ ورگاندارى بىرنەشە اي بويى تەرگەۋ جۇرگىزىپ كەلەدى.

ەۋروپالىق پارلامەنت ءوز مالىمدەمەسىندە سوت ىسىنە تۇسىنىك بەرمەيتىنىن، سايكەس ۇلتتىق ورگاندارمەن ىنتىماقتاستىق جاساپ وتىرعانىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى