فرانسيا ابليازوۆكە باسساۋعا بولۋدان باس تارتتى
فرانسيانىڭ ۇلتتىق باسساۋعا ماسەلەلەرى جونىندەگى سوتىنىڭ رەسمي سايتىندا جاريالانعان مالىمەتكە سايكەس، قاشقىن بانكيردىڭ ادۆوكاتتارى پيكۋا مەن بەيلۋني سوتقا ەلدىڭ بوسقىندار مەن ازاماتتىعى جوق تۇلعالاردى قورعاۋ جونىندەگى باسقارماسىنىڭ ءوز قامقورلىعىنداعى ازاماتقا ساياسي بوسقىن مارتەبەسىن بەرۋدەن باس تارتۋىنا وراي شاعىم تۇسىرگەن.
سوت ادۆوكات شاعىمىن قاراعانمەن ابليازوۆكە ساياسي بوسقىن مارتەبەسىن بەرۋدەن باس تارتقان.
ەستەرىڭىزگە سالا كەتسەك، وتكەن ايدا مەملەكەت باسشىسىنىڭ فرانسياعا ساپارىنان كەيىن ق ر سىرتقى ىستەر ءمينسترىنىڭ ورىنباسارى رومان ۆاسيلەنكو مۇحتار ءابليازوۆتى قازاقستانعا ەكستراديتسيالاۋ ساياسي دەڭگەيدە تالقىلانبايتىندىعىن ايتقان ەدى.
«قازاقستان مەن فرانسيا اراسىندا قازىرگى ۋاقىتتا ەكستراديتسيالاۋ تۋرالى كەلىسىم جاسالماعان. بۇل ماسەلە فرانسۋز تاراپىمەن ودان ءارى تالقىلانادى. مەنىڭ بىلۋىمشە، قازىر فرانسيادا ءابليازوۆ مىرزاعا قاتىستى سوت پروتسەسى ءجۇرىپ جاتىر»، - دەگەن ەدى سىرتقى ىستەر ءمينيسترىنىڭ ورىنباسارى.
