قاراشا ايىندا باسپانانى ساتۋ- ساتىپ الۋ ازايدى
2022 -جىلعى قاراشادا تۇرعىن ءۇيدى ساتۋ- ساتىپ الۋ بويىنشا 33797 مامىلە تىركەلدى. ونىڭ 8 مىڭى - جەكە ۇيلەر، 27797 ءسى - پاتەر. ءبىر اي بۇرىنعى ستاتيستيكامەن (34336) سالىستىرعاندا مامىلەلەر سانى %1,6 ازايعان. كەلىسىمدەردىڭ ۇشتەن بىرىنەن استامى الماتى (7071) جانە استانا (5886) قالالارىندا تىركەلدى. باسپاناعا قاتىستى ساۋدا كەلىسىمدەرى ەڭ از ۇلىتاۋ وبلىسىندا جاسالدى - 394 مامىلە %1,2.
2022 -جىلعى قازانمەن سالىستىرعاندا كوپقاباتتى ۇيلەردەن پاتەر ساتۋ- ساتىپ الۋ 559-عا ازايدى. جالپى پاتەرلەر بويىنشا بارلىعى 25797 مامىلە جاسالدى - بۇل مامىلەلەردىڭ جالپى سانىنىڭ %76,3.
بولمەلەر سانى بويىنشا 1 بولمەلى پاتەرلەر ءالى دە كوش باستاپ تۇر - قاراشا ايىندا 10368 كەلىسىم راسىمدەلدى. مامىلەلەردىڭ نەگىزگى ۇلەسى الماتى جانە استانا قالالارىنا %61,6 تيەسىلى.
ال 2 بولمەلى پاتەر بويىنشا 9032 مامىلە جاسالدى.
2022 -جىلعى قازانمەن سالىستىرعاندا جەر ۇيگە قاتىستى ساۋدا كەلىسىمدەرىنىڭ سانىبولماشى عانا ارتىپ، 8 مىڭدى قۇرادى. قازان ايىمەن سالىستىرعاندا جەر ۇيلەر ەڭ كوپ اباي وبلىسىندا (+53 مامىلە) ساتىلدى. ەڭ از ساتىلىم ب ق و- دا ( 50 مامىلە) بايقالدى.
